ବର୍ଷା ଧୁଆ ସକାଳରେ,
ଭିଜା ମାଟି,
ଓଦା ମାଟି କାନ୍ଥ, ଓଳି ପାଣି
ଆଉ ଝରକା ସେପଟ
ଓସ୍ତ ପତ୍ରରେ ପାଣି ଫୋଟକା ଦେଖି,
ତମେ କହିଲ…
“ଏଇ.. ଦେଖ ରାତିଯାକ କାଲି କେତେ ବର୍ଷା ହେଇଚି”
ମୁଁ, ସାରି ନଥିବା ନିଦକୁ,
ଆଖି କଣେ ଆଉଜେଇ ଦେଇ…
ତମ ବଉଦଠୁ କଳା,
ଗହନା କେଶ,
ଅସଜଡ଼ା ବାଦାମୀ ରଙ୍ଗ ଶାଢ଼ୀ
ଆଉ ଦୁଇ ଦେହର ମାଧ୍ୟାକର୍ଷଣ ବଳରେ,
ଲିଭିଯାଇଥିବା ସିନ୍ଦୁର ଟୋପା ଦେଖି, କହିଲି..
“ହଁ.. ଏବେବି ଆକାଶ ମେଘୁଆ ଅଛି”
– ତୃପ୍ତି ରଞ୍ଜନ ଦାସ
Comments
ଡ. ତୃପ୍ତି ରଞ୍ଜନ ଦାସ
ଡ. ତୃପ୍ତି ରଞ୍ଜନ ଦାସ ପଦାର୍ଥ ବିଜ୍ଞାନରେ ପିଏଚ୍.ଡି କରିସାରିବା ପରେ ଏବେ ପ୍ରାଧ୍ୟାପକ ଭାବରେ କାର୍ଯ୍ୟ କରୁଛନ୍ତି । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାର ଗପ ଓ କବିତା ଆଦି ରଚନା କରନ୍ତି । କଳା କ୍ଷେତ୍ରରେ ରୁଚି ରଖୁଥିବା ତୃପ୍ତିଙ୍କର ଦୁଇଟି କବିତା ସଂକଳନ ଓ ଗୋଟିଏ ଉପନ୍ୟାସ ପ୍ରକାଶ ପାଇସାରିଛି; ତନ୍ମଧ୍ୟରୁ ତାଙ୍କର ପ୍ରଥମ କବିତା ସଂକଳନଟି ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରରେ ମନୋନୀତ ହୋଇଥିଲା ।
