ଥିଲା ଏ ନିରୀହ ସ୍ରୋତର ସମ୍ମୋହିତ ସାହା,
ଥିଲା ଏ ଅଜ୍ଞାତ ସଂଭ୍ରମ ଅବିରତ ରାହା ।
ନ ଥିଲା କୁଶଭଦ୍ରା କୂଳେ ଦ୍ବିତୀୟ କିରଣ,
ନିୟତି କୁଢ଼ାଇ ଦେଲା ବିଧୁରା ମରମ ।
ଅଦିନ କାଦମ୍ବିନୀରେ କଇଁସାରି ଲତା,
ରସାଣ ସଲିଳେ କଳି କୁମୁଦର କଥା ।
ପ୍ରଦୋଷରେ ନୀଳୋତ୍ପଳ ବାରୁଣୀ ପୟରେ,
ରମା ମୁଖେ ଲାବଣ୍ୟ ସେ ବିଲୋଳ ଅମ୍ବରେ ।।
କଳେବର ସୈାରଭ ସେ ପ୍ରକୃତିର ବ୍ୟାଜ,
ଶିଥିଳକୃତ ସ୍ନିଗ୍ଧ ଏ ସୁରପୁର ସଜ୍ଜ ।
ଭବରଙ୍ଗ ମହୋଦଧି ଭ୍ରମର ନୟନେ,
ମାୟାକାର ରଜ୍ଜୁ କୋଳେ ମାୟା ଏ ନିର୍ଜନେ ।
Comments
ଅଭିଲିପ୍ସା ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
