ଧନ ଲୋଡ଼ା ନାହିଁ ଜନ ଲୋଡ଼ା ନାହିଁ
ଲୋଡ଼ା ତୋ ଶ୍ରୀଅଙ୍ଗ ଧୂଳି
ଦେଲେ ଟିକେ ଧୂଳି ହୁଅନ୍ତି ମୁଁ ବୋଳି
କରି ତୋତେ ଗଳାମାଳି…
ଆରେ ଧନମାଳି ତୁ ମୋ ସୁନାଥାଳି
ଦେ’ ତୁ କରୁଣା ଢାଳି
ତୋ କରୁଣା ଢଳି କାଳେ ଯିବ ମିଳି
ମୋ ସ୍ୱାର୍ଥପରତା ମଳି…
ମନେ ତୋତେ ଭାଳି କରୁଛି ମୁଁ ଅଳି
ଲିଭେଇଦେ ସ୍ୱାର୍ଥ କାଳି
ଲିଭିଲେ ସେ କାଳି ସବୁ ଯିବ ଜଳି
ହଟିବ ସଂସାରୁ କଳି…
ହଟିଗଲେ କଳି ଆରେ ବନମାଳି
ଯିବରେ ବିପଦ ଟଳି
ଖାଇ ସରପୁଳି ମାରି କରତାଳି
ତୁ ଦେ ପଛେ ମୋତେଜାଳି…
ଜଳି ଦୀପ ଭଳି ଦେବି ଦୀପ୍ତି ଢାଳି
ଲୋଡ଼ିବିନି ଶ୍ରଦ୍ଧାଞ୍ଜଳୀ
ତିଳ ତିଳ ଜଳି ଭାବେ ହୋଇ ଗୋଳି
ଦେଉଥିବି ପୁଷ୍ପାଞ୍ଜଳୀ…
– ରାମ ଚନ୍ଦ୍ର ପ୍ରଧାନ
Comments
ରାମ ଚନ୍ଦ୍ର ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
