ଭକ୍ତି ପୁଷ୍ପ ଧରି ମନ ବ୍ୟୋମଯାନେ
ଆସିଛି ତୋ’ ପାଶେ ଧାଇଁ,
କର୍ମଫଳ ସବୁ ତୋ’ ପାଦ ପଙ୍କଜେ
ସମର୍ପି କଳାଗୋସାଇଁ ।
ଶ୍ରୀପଦେ ଥାଇ ମୁଁ ନୟନ ପୁରାଇ
ଦେଖିବି ଚକାନୟନ,
ତୋ ଛଡ଼ା ତୁଳସୀ ଟିକେ ପାଇ ଦେଇ
ହୋଇଯିବି ମୁହିଁ ଧନ୍ୟ ।
ବାଇଶି ପାହାଚେ ଗଡ଼ିବି କାଳିଆ
ତୋ’ ମହାମନ୍ତ୍ରକୁ ଧ୍ୟାୟୀ,
ଭୋକ ଶୋଷ ସବୁ ଭୁଲିଯିବି ପେଟେ
ଟଙ୍କ ତୋରାଣିରୁ ପିଇ ।
କରୁଣାମୟ ହେ କରୁଣାରୁ ଉଣା
କରିବୁନି ମୋର ରାଣ,
ଏତିକି କରୁଣା ରହିଲେ ମୋ ପରେ
ଲୋଡ଼ିବିନି କିଛି ଆନ ।
ଆହେ କାଳୀୟଗଞ୍ଜନ ।
– ପ୍ରଣତି ମହାପାତ୍ର
Comments
ପ୍ରଣତି ମହାପାତ୍ର
ପ୍ରଣତି ମହାପାତ୍ର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
