ସାରା ପୃଥିବୀକୁ କରୋନା ବ୍ୟାପିଛି
ମହାମାରୀ ରୂପ ନେଇ,
ଜୀବନ ହାରିଲେ ଲକ୍ଷ ଲକ୍ଷ ଲୋକ
ସତେ ପୋକମାଛି ହୋଇ ।
ନାହିଁ ନିଦ ଆଜି କାହାରି ଆଖିରେ
ହୋଇଛି ଚିନ୍ତା ବିଷୟ,
ସମସ୍ତଙ୍କ ମନେ କୋହର ସମୁଦ୍ର
ପରିସ୍ଥିତି ଆଜି ଅସହ୍ୟ ।
ଘରେଘରେ ଆଜି ଶୁଭଇ କ୍ରନ୍ଦନ
ଶୋକର ଛାୟା ଖେଳିଛି,
ଏ ସାରା ଜଗତ ହାହାକାର ଆଜି
ସବୁଠି ଭୟ ଦିଶୁଛି ।
ସରକାର ଆଜି କରନ୍ତି ଘୋଷଣା
ସମସ୍ତେ ଘରେ ରୁହନ୍ତୁ,
ନିଜ ଘରଦ୍ୱାର ନିଜ ପରିବେଶ
ସମସ୍ତେ ସୁସ୍ଥ ରୁହନ୍ତୁ ।
ଡାକ୍ତର ପୋଲିସ ଘରକୁ ଯିବେନି
ଏମାନଙ୍କୁ ଆଜି ମନା,
ପ୍ରାର୍ଥନା କରିବା ଏମାନଙ୍କ ପାଇଁ
ନ ଆସୁ ଦୁଃଖ ଯାତନା ।
ଜଗତର ନାଥ ଆହେ ଜଗନ୍ନାଥ
ଆସ ଏକାଳ କଳିରେ,
ଦୁଷ୍ଟ କରୋନାକୁ ନାଶ କରିଦିଅ
ଜନମ ନିଅ ମହୀରେ ।
– କୃଷ୍ଣେନ୍ଦୁ ହୋତା
Comments
କୃଷ୍ଣେନ୍ଦୁ ହୋତା ବଲାଙ୍ଗୀର ଜିଲ୍ଲାର ସରଗଡ଼ା ଅଞ୍ଚଳର ବାସିନ୍ଦା, ଯିଏକି ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗଳ୍ପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
