ଚାଲିଯିବା ଆମେ ଅଜଣା ରାଇଜେ
ଗଢ଼ିବା ପ୍ରେମ ନଅର
ସେଇ ନଅରରେ ଦେବି ମୁଁ ତୁମକୁ
ସିନ୍ଦୂରର ଉପହାର ॥
ନୀଳ କୁରଞ୍ଜିକୁ ନୀଳଗିରି ଠାରୁ
ତୋଳି ମୁଁ ଆଣିବି ସାଥି
ଫୁଲର ଶେଜରେ ପ୍ରଣୟ ନିଶାରେ
କଟିଯିବ ମଧୁରାତି ॥
ତଟିନୀ ମିଶିବ ନୀଳ ସାଗରରେ
ସୃଷ୍ଟିର ଏଇ ନିୟମ
ସୂର୍ଯ୍ୟମୁଖୀ ଆଉ ଦିବାକରଙ୍କର
ଯେମିତି ଅମରପ୍ରେମ ॥
ହଜିଥିବ ତୁମେ ମୋ ବାହୁ ବନ୍ଧନେ
ଋତୁଥିବ ମିଳନର
ଆଙ୍କି ଦେଉଥିବି ଅଧରରେ ତୁମ
ଦାଗ ମିଠା ଚୁମ୍ବନର ॥
ସଂସାର ଖେଳରେ ସାଜିବା ଗୋ ଆମେ
ପ୍ରକୃତି ଆଉ ପୁରୁଷ
ଜନ୍ମ ଜନ୍ମାନ୍ତର ହେବା ଏକାକାର
ଯେମିତିକା ପାଣି ଓ ଶୋଷ ॥
– ପ୍ରଶାନ୍ତ ପଧାନ
Comments
ପ୍ରଶାନ୍ତ କୁମାର ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
