ଭେଜାଲ୍ ହେଉଛେ ଗୁଟେ ଗୁଟେ କରି
ଦୁନିଁଆରେ ଅଛେ ଯାହା,
ଭେଜାଲ୍ ଆଜି ଉଷ କଷା ଠାନୁଁ
ଭେଜାଲ୍ ପି’ ଲା ଚାହା ।
ଭେଜାଲ୍ ହେଉଛେ ଚାଉଲ୍, ଅଣ୍ଡା
ଶୁନିଁ କାବା ଯିବ ହେଇ,
କ୍ଷୀର, ମହୁ ଠାନୁଁ ଭେଜାଲ୍ ମିଲୁଛେ
ଜାନିଁ ନାଇଁପାରୁଛନ୍ କେହି ।
ଭେଜାଲ୍ ଆଜି ତ ମୁନୁଷ୍ ସମାଜ୍
ଗୁଟେ ସତ୍ ଲୋକ୍ ନାଇଁ,
ଜିନିଷ୍ ଗୁରାକ ଭେଜାଲ୍ ହେଲାଯେ
କାହାକେ କହେମାଁ ଭାଇ ।
ଭେଜାଲ୍ ଇନଁ ହୋ ମନ୍ତ୍ରୀ ନେତା
ଭେଜାଲ୍ ତାକର୍ ଚେଲା,
ଦେଶ୍ କେ କେନ୍ତା ଲୁଟ୍ ବେ ଭାବୁଛନ୍
ସେମାନେ ଜିଁ’ଲେ ହେଲା ।
ଭେଜାଲ୍ ହେଲାନଁ ଶିକ୍ଷା ବ୍ୟବସ୍ଥା
ସ୍ୱାସ୍ଥ୍ୟର୍ ବୁରା ହାଲ୍
କହି ଚାଲୁଥିଲେ ନାଇଁସରେ କେଭେ
ସବୁ ତ ଆଏ ଭେଜାଲ୍ ।
ଭେଜାଲ୍ ଭିତ୍ରେ ଗୁଟେନଁ ଅସ୍ଲି
ହରେକୃଷ୍ଣ ହରେରାମ୍,
ଜନମ୍ ଠାନୁଁ ମରନ୍ ଦୁଆର୍ ତକ୍
ସବୁନେଁ ଆଏବା କାମ୍ ।
– ସତ୍ୟନାରାୟଣ ପଧାନ
Comments
ସତ୍ୟ ନାରାୟଣ ପ୍ରଧାନ
ସତ୍ୟ ନାରାୟଣ ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
