ବନ୍ଦେ ଉତ୍କଳ ମାତା
ବନ୍ଦେ ଉତ୍କଳ ମାତା
ସବୁଜ ସୁନ୍ଦର ଚାରୁ ଶୋଭାମୟୀ
ପୁଣ୍ୟ ତୀର୍ଥମୟୀ ମାତା ।
କଳା ସଂସ୍କୃତିରେ ଅଟୁ ତୁ ମହାନ
ଭାଷା ଭିତ୍ତିରେ ତୋହରି ଗଠନ,
ଏକତ୍ମତାରେ ହିଁ ତୋହରି ଅସ୍ତିତ୍ୱ
ବଞ୍ଚିଛି ଉତ୍କଳୀୟତା ।
ବନ୍ଦେ ଉତ୍କଳ ମାତା ।
ପରାକ୍ରମଶାଳୀ ତୋ’ ସନ୍ତାନଗଣ
କେ’ ଭୁଲି ପାରିବ ଯେତେ ତାଙ୍କ ଦାନ
ଗଙ୍ଗାଠାରୁ ଗୋଦାବରୀ ତୋ’ ବିସ୍ତୃତି
ଧର୍ମର ଆଧାରଭୁତା ।
ବନ୍ଦେ ଉତ୍କଳ ମାତା ।
କେତେ ଜ୍ଞାନୀଗୁଣୀ ତୋ’ର ସୁତସୁତା
ବିଶ୍ୱ ଦରବାରେ ଉଚ୍ଚ କଲେ ମଥା,
ଅମଳିନ ଯଶଃକୀର୍ତ୍ତି ଗଲେ ରଖି
ବଢ଼ାଇ ତୋ’ ମହାନତା ।
ବନ୍ଦେ ଉତ୍କଳମାତା ।
– ବସନ୍ତ କୁମାର ପ୍ରଧାନ
Comments
ବସନ୍ତ କୁମାର ପ୍ରଧାନ ଅନୁଗୋଳ ଜିଲ୍ଲାର ଛେଣ୍ଡିପଦାସ୍ଥିତ ହରିହରପୁରର ବାସିନ୍ଦା । ସେ ପେଶାରେ ଜଣେ ଶିକ୍ଷକ ଭାବରେ କାର୍ଯ୍ୟରତ, ମାତ୍ର ନିଶା ତାଙ୍କର କବିତା ଲେଖିବା । ତାଙ୍କ ରଚିତ ଅନେକ କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
