ଆଗତ ଫଗୁଣ ଶୁକ୍ଳ ତୃତୀୟାର ମୀନ ଚନ୍ଦ୍ରେ ଶୁଭ ଲଗ୍ନ ଜନ୍ମ ଜନ୍ମାନ୍ତର ସଂପର୍କ କଟିରେ ବନ୍ଧା ହେବା ସେହି କ୍ଷଣ ॥ ଦିନ ଗଣୁଅଛି ଆହେ ପ୍ରଣୟିନୀ ଉଛୁରା ମନ ମୋ ଚାପି ହୃଦୟ ଝରକା ଖୋଲା ରଖିଅଛି ଆସିବକି କାଳେ ଛପି ॥ ପ୍ରତିଟି ମୂହୁର୍ତ୍ତ ଲାଗେ ଶତ ଯୁଗ ସ୍ଥିର ଲାଗେ ମହୀ ଗତି ପରୀକ୍ଷା କି ନିଏ ନିୟତି ମୋହର ଧୈର୍ଯ୍ୟ ତରାଜୁରେ ନାପି ॥ ମାନସେ ଝଟକେ ସୁପ୍ରତିମା ତବ…
ପାଶବିକତା ଚୁମି ଦେଇଯାଏ ଆପଦ ମସ୍ତକ.. ଉଆଁସ ରାତିର ବିସ୍ତାରିତ କାୟାରେ ଅବା, ଫ୍ଲଡ ଲାଇଟ୍ର ସୂକ୍ଷ୍ମାଲୋକରେ ଏକାନ୍ତ ତରୁଣୀ କୁଦ ଜନପଥରେ ଦେଖି ॥ ଦ୍ୱିତୀୟ ଦାରୁ ବି ନିର୍ଦ୍ଦୟୀ ସାଜେ ଅଭାବୀ, ନିରୀହା, ଗର୍ଭସ୍ଥ ଗୃହିଣୀର ଆର୍ତ୍ତ ଚିତ୍କାରକୁ ହସ୍ପିଟାଲ୍ ବାରଣ୍ଡାର ମୁକୁଳା କୋରିଡର୍ରେ ପାଶବିକତାର ଚୁମ୍ବନ ଚାଖି ॥ ପୂଜ୍ୟ, ପିତୃ ପ୍ରତିମ ଗୁରୁ ବି ଅଫୁଟା କୋମଳ କଢ଼ିର ନିରୀହତାର ସୁଯୋଗ ଉଣ୍ଡି ପରସ ଲାଲାସାରେ ଆଜି ପାଲଟିଯାଏ ଭ୍ରମର କନ୍ୟା…
