ଅଜସ୍ର ସ୍ୱପ୍ନକୁ ଦିନେ ବୁଣିଥିଲା ବୋଲି
ଖୁସିରେ ତା’ ଦିନ ଆଜି ବିତୁଛି
ଆଖିର ଲୁହକୁ ଢାଳିଥିଲା ବୋଲି
ଭାତ ମୁଠେରେ ତା’ ପେଟ ପୂରୁଛି ॥
ପାଠ ବେଶୀ ନପଡ଼ି ବି ସେ
ବେଦ ପୁରାଣକୁ ଭଲ ବୁଝିଛି
କାହୁଁ ବଡ଼ ବଡ଼ ଲୋକ
ତା’ ପାଖେ ଆଜି ହାର ମାନିଛି ॥
ଘରେ କିଛି ନଥାଇ ବି ସେ
ଅତିଥି ସତ୍କାର ଭଲକି ଜାଣିଛି
ସବୁକିଛି ଆମ ପାଶେ ଥାଇକି ବି
ଅତିଥି ସତ୍କାର ପାସୋରି ଯାଇଛେ ॥
ଦୁଃଖ ସିଏ ଆଜି ବୁଝିଛି ବୋଲି
ଭିକାରୀ ପେଟ କଥା ଜାଣିପାରିଛି
ଆମ ଭଳି କିଛି ଭିକାରୀ ଦେଖିଲେ
ଘାଉଡ଼େଇ ତାକୁ ଦେଉଛି,
ନାନା ଏଣୁ ତେଣୁ କଥା ବହୁ କହୁଛି ॥
ବିପଦ ଆସିଲେ ବନ୍ଧୁ ଆଗେ ଯାଇ
ବୀରଦର୍ପରେ ଛାତିକୁ ମେଲେଇ ଦେଇଛି
ବିପଦ ଆସିଲେ ଆମେ ବଞ୍ଚିବାକୁ ଯାଇ
ବନ୍ଧୁପଣିଆକୁ ଭୁଲି ଯାଇଛେ ॥
ପୂଜା ନୀତିରୀତିରେ ସେ ବିଶ୍ୱାସ ରଖି
ଭଗବାନଙ୍କ ପାଖେ ନୀତି ଗୁହାରି କରୁଛି
ବିପଦ ଆସିଲେ ଆମ ଭଳି କିଛି ଲୋକଙ୍କ
ଭଗବାନଙ୍କ କଥା ଟିକେ ମନେପଡୁଛି ॥
ସବୁକିଛି ସିଏ ମନେରଖିଛି
ମୋହ ମାୟା ନୀତି ଘାଣ୍ଟିହୋଇ
ସବୁକିଛି ଆମେ ଭୁଲିଯାଇଛେ ॥
– ରୁଦ୍ରନାରାୟଣ ଖଟୁଆ
Comments
ରୁଦ୍ର ନାରାୟଣ ଖଟୁଆ
ରୁଦ୍ର ନାରାୟଣ ଖଟୁଆ ଜଗତସିଂହପୁରସ୍ଥିତ ରାହାମାଠାରେ ଜନ୍ମଗ୍ରହଣ କରିଥିଲେ । ସେ ଆଇ.ଆଇ.ଟି ଧାନବାଦରୁ ପଦାର୍ଥ ବିଜ୍ଞାନରେ ଡକ୍ଟରେଟ୍ ଲାଭ କରିଛନ୍ତି । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ରଚନା କରିଥାନ୍ତି । ତାଙ୍କ ରଚିତ କିଛି ଗଳ୍ପ ବିଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି ।
