ଆଜି ବି ମନେଅଛି
ଜହ୍ନ ରାତିର ସେଇ ବିକଟାଳ ରୂପ
କୋକିଶିଆଳିର ଲମ୍ବାରଡ଼ି କାନ୍ଦଣା
ରାତି ଶୁନ୍ ଶାନ୍,
କୁକୁର ସବୁ ଭୁକୁଛନ୍ତି
ଆଉ ମୁଁ ତୁମକୁ ଅନୁସରଣ କରୁଛି;
ପଛରୁ ହାତ ଠାରି ଡାକୁଛି
ହେଲେ,
ହଠାତ୍ ତମେ ଦୌଡ଼ିଯାଉଛ ସାଗରକୂଳ ଆଡ଼େ
ତମର ଛମ୍ ଛମ୍ ପାଉଁଜି ଶବ୍ଦ
ମୋତେ ତମ ଆଡ଼କୁ ବାରମ୍ଵାର ଟାଣି ନେଉଛି
ଶେଷରେ,
ଏ ସାଗରର ଢେଉ ମୋ ପାଖେ ଆସି କହୁଛି
“ସତ୍ୟତା” କ’ଣ
ତୁ ବି ଶେଷରେ ଜାଣି ପାରିଲୁନି
କ’ଣ ତୁ ବି ନାଗ ଫାଶରେ ପଡ଼ିଗଲୁ?
ଆରେ, ଏଇ ତ ମରିଚୀକା…
– ଶୁଭମ୍ କୁମାର ସାହୁ
Comments
ଶୁଭମ୍ କୁମାର ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
