ସେ ଅସ୍ପୃଶ୍ୟ, ଅଲୋଡ଼ା
ତଥାପି ଫୁଟେ ପ୍ରତି ଫଗୁଣରେ
ଜୀବନରେ ଟିକିଏ ରଙ୍ଗ ମାଖିବାକୁ ।
ଜାଣେ ସେ ଅଲୋଡ଼ା, ଅସ୍ପୃଶ୍ୟ,
କିନ୍ତୁ ସେ ଫୁଟେ
ନିଜସ୍ୱ ଭଙ୍ଗୀରେ, ନିଜସ୍ୱ ଠାଣୀରେ,
ଖୁବ ଉଲ୍ଲାସରେ
ମାଦକତା ଭରି ଉଛ୍ୱାସରେ,
ସ୍ରଷ୍ଟାଙ୍କ ଇଙ୍ଗିତରେ,
ଭରି ଦେବା ପାଇଁ ରଙ୍ଗ ତାଙ୍କରି ସୃଷ୍ଟିରେ ।
ଜୀବନ ଓ ଯୌବନର ପରିସୀମାର ଉର୍ଦ୍ଧ୍ୱରେ,
ଚିନ୍ମୟ ସତ୍ତାର ପରିପ୍ରକାଶ ପାଇଁ
ଚେତନା ଓ ଚିନ୍ତନ ସବୁଠି ଭରି ଦେବା ପାଇଁ
ଚିନ୍ମୟତ୍ୱର ରଙ୍ଗ ଟିକକ…
ସେହି ଚିନ୍ମୟତ୍ୱର ଭାବନାରେ ହିଁ
ସେ ଆନମନା, ନିମଗ୍ନ ଓ ପରିପୂର୍ଣ୍ଣl ॥
– ଶର୍ମିଷ୍ଠା ମଲ୍ଲ
Comments
ଶର୍ମିଷ୍ଠା ମଲ୍ଲ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
