ଧନ୍ୟ ଅଟଇ ଆମର ଦେଶ
ଧନ୍ୟ ତୋ’ର ପରିବେଶ
ପ୍ରକୃତି ମା’ର କୋଳରେ ଝୁଲି
ଧନ୍ୟ ହୋଇଲୁଁ ଆମ୍ଭେ ତୋହରି ପାଇଁ ॥
ଧର୍ମ ନିରପେକ୍ଷ ଆମରି ଦେଶ
ବିପୁଳ ଜନଙ୍କ ଏଠି ବାସ
ହିନ୍ଦୁ, ମୁସଲମାନ, ଶିଖ୍,
ଇଷାଇ ସମସ୍ତେ ମିଳିମିଶି
ଗଢ଼ିଲେ ପ୍ରେମ ପ୍ରଦୀପର ଉଆସ ॥
ବୁଦ୍ଧଦେବ, ମହାବୀର, ମହା ମହା ପଣ୍ଡିତ ଗଣ
ପ୍ରଚାରୀଲେ ସବୁ ଧର୍ମର ସାର
ବିଶ୍ୱବ୍ୟାପି ଚାରିଆଡ଼େ
ସୁଗନ୍ଧିତ ହୋଇ ମହକିଲା ଧର୍ମର ଜ୍ଞାନ ॥
ଭାରତ ସନ୍ତାନ ଆମ୍ଭେ
କରୁ କର୍ମ ନିଜ ଦମ୍ଭେ
ପରାଧୀନ ନୁହେଁ ଆମ୍ଭେ କାହା ନିକଟେ
ଶାନ୍ତି ପ୍ରେମି ଅଟୁ ଆମ୍ଭେ ନ ଲଢ଼ିବୁ କାହା ସଙ୍ଗେ ॥
ଧନ ଧାନ୍ୟ ବିଦ୍ୟା ରତ୍ନ
ସବୁରେ ପରିପୂର୍ଣ୍ଣ ଦେଶ ଆମ୍ଭର
ତୋହର ସନ୍ତାନ ଆମ୍ଭେ ଅଟୁ
ଧନ୍ୟ ଆମ୍ଭ ଭାରତ ଦେଶ ॥
– ସାନୁ ଜେନା
Comments
ସାନୁ ଜେନା ଝାଡ଼ଖଣ୍ଡ ସ୍ଥିତ ପୂର୍ବ ସିଂହଭୂମରେ ବାସ କରୁଥିବା ଜଣେ ଓଡ଼ିଆ ଲେଖିକା ତଥା କବି । ସେ ଓଡ଼ିଆ ଭାଷା ସମେତ ହିନ୍ଦୀ ତଥା ଇଂରାଜୀ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
