ଶରଧା ବାଲିରେ ତିନି ଠାକୁର,
ରାଜା କରୁଛନ୍ତି ନ୍ୟାୟ ବିଚାର ।
ବାମରେ ସେ ଜଗନ୍ନାଥ ଠାକୁର,
ହାତ ଯୋଡ଼ି କର ତାଙ୍କୁ ନମସ୍କାର ।
ଠାକୁର ନୁହେଁ ସେ ଆମ ଜୀବନ,
ଗୁରୁଜନମାନେ ଦେବ ସମାନ ।
ସଭିଙ୍କ ପାଟିରେ ତାଙ୍କରି ନାମ,
ଦେଶ ଜାତି ଲାଗି କରିବା କାମ ।
ପୁରୁଷୋତ୍ତମ ଦେବ ହେଲେ ତ ରାଜା,
ସୁଖୀ ରହିଲେ ସବୁ ପରଜା ।
ତାଙ୍କ ଚକ୍ର ଅଟେ ସୁଦର୍ଶନ,
କରିବ ପାପର ବିନାଶନ ।
କଳିଯୁଗର ତୁମେ ଠାକୁର,
କର ବିନାଶ ପାପର ।
ଅପାର କରୁଣାମୟୀ ତୁ ସିନ୍ଧୁ ସାଗର,
ତୋ କୂଳରେ କେତେ ବିରାଟ ନଗର ।
ଏତେ ପାପକୁ ସହି,
ମନରେ ରଖି କାହାକୁ ପାରୁନୁ କହି ।
ତାଙ୍କ ଆଗେ ଅରପି ଶିର,
ରାକ୍ଷସ ମାଗୁଛି ଅମର ବର ।
ଶରଧା ବାଲିରେ ତିନି ଠାକୁର
ଏ କଳି କାଳେ ତୁମେହିଁ ସାର ।
ଜଗତ ଜନଙ୍କ ପାଇଁ,
ଲୋଡ଼ୁଅଛୁ ଆମେ ତୁମ୍ଭର ଦରଶନ ।
ବିପଦୁ ଉଦ୍ଧାର ପାଇଁ,
ଏ କାଳ କରାଳେ କଳ୍କୀ ନ ସାଜି ।
ଉଦ୍ଧାରି ଦିଅ ପ୍ରଭୁ ହେ,
ଜୟ ଜଗନ୍ନାଥ ସ୍ୱାମୀ ହେ,
ଜୟ ଜଗନ୍ନାଥ ସ୍ୱାମୀ ହେ ।
– ସୌମ୍ୟ ରଞ୍ଜନ ସାହୁ
Comments
ସୌମ୍ୟ ରଞ୍ଜନ ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
