ଭିନ୍ନ ଏକ କୁରୁକ୍ଷେତ୍ର ଭିନ୍ନ ବାସୁଦେବ,
ମଝି ଦାଣ୍ଡେ ଚାଲେ ଯା’ର ନିତି କେତେ ଯୁଦ୍ଧ ।
ଅଧର୍ମର ବିକଟାଳ ହସରେ କମ୍ପୁଚି,
ପରାଜୟ ଭୋଗେ ଧର୍ମ ଲୁଚାଇ କାନ୍ଦୁଚି ।
ପାପ ହିଂସାର ବିଜୟ ପତାକା ଉଡ଼ୁଛି,
ବେଳାଳସେନ ଆଖିରେ ଧର୍ମ ଯେ ଦେଖୁଚି ।
ଘେନା କର ମୋ ବିନତୀ ପ୍ରଭୁ ବାସୁଦେବ,
ପ୍ରେରଣ କର ତୁମର ସୁଦର୍ଶନ ଚକ୍ର ।
ଛେଦନ କରୁ ସେ ପାପ ହିଂସାର ଗର୍ଦ୍ଦନ,
ବିଳମ୍ବ ନ କର ପ୍ରଭୁ କର ଉଦ୍ଧାରଣ ।
– ରଶ୍ମିମୟୀ ପତି
Comments
ରଶ୍ମିମୟୀ ପତି ଓଡ଼ିଆ ଭାଷାରେ ବିଭନ୍ନ ପ୍ରକାରର କବିତା ରଚନା କରିଥାନ୍ତି । ତାଙ୍କ ରଚିତ କବିତାଗୁଡ଼ିକ ଅନେକ ପତ୍ରପତ୍ରିକାରେ ପ୍ରକାଶ ପାଇବା ସହ ଅନେକ ସାହିତ୍ୟ ସଂସ୍ଥା ପକ୍ଷରୁ ତାଙ୍କୁ ଅତୀତରେ ସମ୍ମାନୀତ କରାଯାଇଛି ।
