ସକାଳୁ ଦ୍ୱିପହର ପର୍ଯ୍ୟନ୍ତର
ତମାମ କଳହ ପରେ
ମନ, ମସ୍ତିଷ୍କ ଥକିଗଲା ପରେ
ଦିପହରୁ ଆସି ଗୋଧୂଳି ବେଳାରେ
ନିଷ୍ପତ୍ତି ନେଲି, ଆଉ ନୁହଁ ବାସ
ପୂର୍ଣ୍ଣଛେଦ ଏଠାରେ ।
ଏତେ ଦିନର ଦୀର୍ଘତମ ସମ୍ପର୍କରେ
କ’ଣ ପାଇଛି ତୁମଠାରେ?
ପ୍ରଶନବଚି ଉଠେ ମନ ଉହାଡ଼ରେ !
ଭାବନାର ସଂଘର୍ଷ ମଧ୍ୟରେ
ବର୍ତ୍ତମାନ ଭବିଷ୍ୟତର କୁହୁଳିକାରେ
ରାଗ ଅଭିମାନ ମିଶା ମନରେ ।
ନିଷ୍ପତି ଶୁଣେଇଲି ତମ ଆଗରେ
ପୂର୍ଣ୍ଣଛେଦ ଚାହେଁ ଏଇ ସମ୍ପର୍କରେ
କିଛି ଆସ ନାହିଁ ପ୍ରତି ଉତ୍ତରରେ ।
ଗୋଧୂଳିରୁ ରାତ୍ରି ସତେ ବହୁ ଦୂରରେ
ମନ କୋଠା ତମ ପାଖେ ବ୍ୟକ୍ତ କୋଳ ପରେ
ସମୟ ରହିଯାଇଛି ଯେପରି ମୋ କାନ୍ଥ ଘଣ୍ଟାରେ ।
ସତେ ଅବା ପ୍ରେମ ଲୁଚି ରହିଥିଲା
ରାଗ ଅଭିମାନ ମିଶା ସମ୍ପର୍କରେ
ତମ ମୋ ଭବନରୁ ଅନେକ ଦୂରରେ ।
ସମସ୍ତ ଅଶାନ୍ତିର ପରିସମାପ୍ତି ପରେ
ମନ ବୁଝିଯାଏ ସ୍ୱର୍ଗ ଶାନ୍ତି ମିଳେ
କେବଳ ତମ ଭାବନାରେ ।
– ପୂର୍ଣ୍ଣିମା ଲେଙ୍କା
Comments
ପୂର୍ଣ୍ଣିମା ଲେଙ୍କା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
