୧. ବଉଁଶ୍ ଜାତି ଧରମ୍ ସବୁ ହାର୍ଲେ
ଜିତ୍ଲା କବାର୍ ସତ୍ୟ
ବ୍ୟକ୍ତିର୍ ନୀତି ସ୍ବଦେଶ୍ ପ୍ରୀତି
ମାନ୍ଲାଁ ଲେଖେଢ଼ଁ ତଥ୍ଯ
୨. ଗାଲି ଶୁନି କେହି ନାଇଁଯାଏ ଦବି
ସଭେ ପାର୍ଲାଁ ଦେଖି
ବିରୋଧ୍ ଲାଗି ବିରୋଧ୍ କଲେଁ
ଲୁକେ ରହେସନ୍ ସାକ୍ଷୀ
ଜଲ୍ଦି ଦେସନ୍ ଫିକି
୩. ନିଂଦା ଈର୍ଷା କୁତ୍ସା ସବୁ ଗଲେ ହାରି
ଘାଏକେ ଲୁକେ ଇ ସବୁ ଦେଲେ ଝାରି
୪. ପ୍ରାଦେଶିକ୍ ନେତା ସାରା ଦେଶ୍ କଥା
କହି ହେଲେ ଅଥା
ଏଭେଢ଼ଁ ଦେଖ୍ଲାଁ ହେସି କେନ୍ତା
୫. ଜିଭ୍ ନାଇଁଥାଇ ଆଏତେ
ଭୋଟ୍ କେନ୍ତେଇ ପାଏତେ?
୬. କଥା କହୁ ଯେତେ ହାରିଗଲେ
କାମ୍ କରୁ ମାନେ ଜିତ୍ଲେ
କିଛି ନାଇଁମିଲେ ରଡ଼ି ଗଗେଇ
ହର୍ଘଡ଼ି ଚୁଛେଢ଼ଁ ମାତ୍ଲେଁ
୭. ଜିତୁ ଆରୁ ହାରୁ ଦଲ୍
ପାଏଲେ କାମର୍ ଫଲ୍
ଉନିଆ ଦଲର୍ ନାଆଁଗଂଧ୍ ନାଇଁ
ହଉଛନ୍ କଲ୍ବଲ୍