ଦରପଣେ ଦେଖେ ନିଜ ଛବି ସିନା
ଲାଗେ କିଆଁ ଏତେ ପର
ଅଚିହ୍ନା ଅଚିହ୍ନା ମନର ଭିତରେ
ଖୋଜିବାକୁ ନାହିଁ ତର ।
ହୃଦୟ ଭିତରୁ ଫୁଟି ଉଠେ କିଆଁ
ହୃଦ ଛବି ଆଉ କା’ର
ପ୍ରେମର ମହକେ ମନ ଉପବନ
ମହକରେ ଭରପୁର ।
ସେ ମହକ କିଆଁ ବାଇ କରେ ମତେ
ଅଶରୀର ରୂପ ଧରି
ଶୂନ୍ୟତା ଭିତରେ ପୂରି ଉଠେ ଆତ୍ମା
ସେ କି ପ୍ରେମ ସୁଧା ବାରି??
– ଆଶୁତୋଷ ମେହେର
Comments
ଆଶୁତୋଷ ମେହେର ଜଣେ ଅବସର ପ୍ରାପ୍ତ ଭାରତୀୟ ଷ୍ଟେଟ ବ୍ୟାଙ୍କର ଅଧିକାରୀ । ସେ ଓଡ଼ିଆ ଭାଷା ସମେତେ ସମ୍ବଲପୁରୀ ଭାଷାରେ ବିଭିନ୍ନ ପ୍ରକାରର କବିତା ରଚନା କରିନ୍ତି । ତାଙ୍କର ନିଜସ୍ୱ କେତୋଟି କବିତା ସଂକଳନ ପ୍ରକାଶିତ ହୋଇଛି ।
