ମନ ମୋହର ଶଶ୍ମାନର କଣ୍ଟକିତ ନୀରବତା
ହୃଦୟର ଗଭୀରତା ଉପରେ ଜଳୁଛି ଚିତା ॥
ଆଶା ମୋର ମଳିନ ପଡ଼ିଛି ବିକ୍ଷିପ୍ତ ହୋଇ
ଅନୁଭବ ମୋର ପାଉଁଶ ହୋଇଯାଇଛି ପବନରେ ମିଳେଇ ॥
ସ୍ମୃତି ଆଉ ଆତ୍ମିୟତାର ବିକଟାଳ ରଡ଼ି
ବୁକୁଫଟା ବିଳାପର ଭାଙ୍ଗୁଥାଏ ଲହଡ଼ି ॥
କିନ୍ତୁ ପ୍ରେମ ମୋର ଏକ ଶଶ୍ମାନର ତୁଳସୀ
ଅସ୍ଥିର ପବନରେ ଯାଏ ବାସ ତା’ର ମିଶି ॥
ଶଶ୍ମାନର ଶୂନ୍ୟତା ପୂର୍ଣ ଆଗରେ
ତୁଳସୀ ପତ୍ରର କରୁଣ୍ୟ କାହାଣୀ କଥା ଆଉ କିଏ ପଚାରେ ॥
ମନ ତା’ର ଅଛି ହେଲେ ପ୍ରେମ ତା’ର ନାହିଁ
ତାକୁ ଜାଗା ଦେଲାଭଳି ଘରଟିଏ କାଇଁ ॥
କାଉଁ ବ୍ୟକ୍ତି ବୁଝିବ ମନକୁ ତା’ର
ସାଉଁଟି ନେଇ ସାଇତିବ ଅନ୍ତରେ ନିଜର ॥
ମନକୁ ବିକୁଛି ମୁଁ ଯେ ଜହ୍ନର ମୂଲ
ତଥାପି ପ୍ରେମ ମୋର ହୁଏ କଲବଲ ॥
କାହିଁକିନା ପ୍ରେମ ମୋର ଶଶ୍ମାନ ତୁଳସୀ
ଅପେକ୍ଷାରେ ଝୁରେ ବସି ପ୍ରତି ଦିବାନିଶି ॥
– ସୁକୁମାର ପଣ୍ଡା
Comments
ସୁକୁମାର ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
