ଲେଖିବି ଲେଖିବି ତୁମ କଥା ଭାବି
ଆରମ୍ଭ କେଉଁଠୁ କୁହ
ପ୍ରଥମ ଦେଖାରେ ମନ ଜିଣି ନେଲ
ତୁମେ ପରା ସେଇ ଝିଅ
ଆଖି ସାଥେ ଆମ ଆଖି ମିଶିଥିଲା
ମିଳନ ରହିଲା ଅଧା
ଭଲ ପାଏ ବୋଲି କହିବି କହିବି
କିନ୍ତୁ ନଥିଲା ଯେ ତୁମ ଦେଖା
ଗୋଲାପ ବଣରୁ ଚୋରେଇ ଆଣିଲି
ସଜ ଗୋଲାପର ପାଖୁଡ଼ା
ଦେବା ପାଇଁ ସେଇ ପ୍ରେମର ପ୍ରତୀକ
ହେବା ପାଇଁ ଟିକେ କଥା
ତୁମ ସନ୍ଧାନରେ ଏବେବି ବୁଲୁଛି
ଅଦୃଶ୍ୟ ହୋଇଛ ତୁମେ
ପରଦେଶୀ ମେଘ ବରଷିଲା ପରି
ତୁମ ଅପେକ୍ଷାରେ ଏବେ ଏବେ
ସାଧା କାଗଜରେ ତୋ ସ୍ମୃତି ସାଉଁଟେ
ମନ ଆଇନାରେ ପ୍ରତି ଛବି
ସେଇ ପ୍ରତି ଛବି ଆଙ୍କୁ ଆଙ୍କୁ ଆଜି
କାଗଜ ଯାଉଛି ଚିରି
କଲମ ମୁନରେ ଲେଖି କି ପାରିବି
ପ୍ରିୟାର ପ୍ରଥମ ଦେଖା
ଏତେ ଆକସ୍ମିକ ନ ଥିଲା ହେଲେ ବି
ମିଠା ଥିଲା ସେଇ ମୁହୂର୍ତ୍ତ ।
ଭଲ ପାଏ ମୁଁ ସବୁଠାରୁ ବେଶି
ଅଭିମାନୀ ମୋ ପ୍ରିୟାକୁ
ହେଲେ ସେ ମତେ ଚାହିଁଦେଇ
ଚାଲି ଯାଏ ମୋଠୁ ଦୂରକୁ ।
– ଦେବବ୍ରତ ବାରିକ
Comments
ଦେବବ୍ରତ ବାରିକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
