ଲପନରେ ହସ ମୁଖରେ ଗରଳ
ଅନ୍ମେଷିବା କାଠିକର,
ପୀୟୁସ ବିଚାରି ଭକ୍ଷଣ କରନ୍ତେ
କଳେବର ଛାରଖାର ।
ନୀଚମନା ସଦା ସ୍ୱାର୍ଥ ସିଦ୍ଧ ପାଇଁ
ଧରେ ସୁଦ୍ଧ ଯୋଗୀ ବେଶ,
ନିର୍ଜନ ବେଳାରେ ହରି ନିଏ ମାନ
ଯେସନେ ଲଙ୍କା ନରେଶ ।
ସୁଯୋଗ ଖୋଜଇ ସ୍ୱାର୍ଥର ବାଟୋଇ
ପକାଇବ ନେଇ କୂପେ,
ଜାଣିବା ବେଳକୁ ବିଯଦ ଘନେଇ
ବରଷିବ ଆପେ ଆପେ ।
ମାନୀ ଦୁଃସାସନ ଦେଉଛନ୍ତି ଜ୍ଞାନ
ଶକୁନି ସଙ୍ଗତେ ମିଳି,
ସୁରା ମଧୁମୟ ହରି ନେବ ଭୟ
ଆସ ପଶା ଯିବା ଖେଳି ।
ପ୍ରଲୋଭନ ବାଣୀ ଶୁଣାଏ ମହିଷା
ବିଲୋକି ମାଆ ଭଉଣୀ,
ବେଳୁ ସାବଧାନ ହୋଇ ନ ଚାଲିଲେ
ନିମ୍ନେ ବୋହିଯିବ ପାଣି ।
– ଅଲେଖ ମେହେର
Comments
ଅଲେଖ ମେହେର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
