ନୀଳାମ୍ବୁ ଚିଲିକା ତୀରେ
ରକ୍ତବର୍ଣ୍ଣା ରବିଙ୍କ ଜ୍ୟୋତିରେ
ବିହଗ ବାହୁଡ଼ା ବେଳାରେ
ସାୟଂ କାଳେ ପ୍ରଦୋଷ ସମୟେ
ମୋ ମନର ଗହନ ବନରେ
ଉଙ୍କିମାରେ ଅନେକ ପ୍ରଶ୍ନ !
ମନର ମେଦିନିପୁରରେ ।
ଯାଯାବରର ପ୍ରଳାପ
କିଏ ମୁଁ, କ’ଣ ପାଇଁ ମୋର ଜନ୍ମ,
କୂଳ ଲଙ୍ଘିବାକୁ କାଗଜ ଡଙ୍ଗାର
ଅସରନ୍ତି ଅସମାପ୍ତ ସ୍ୱପ୍ନ,
ମନର ସିନ୍ଧୁରେ ଆଶାର ଉର୍ମିରେ
କୂଳ ଲଙ୍ଘେ ଆଜି କାଳର କିଙ୍କର ।
ନାବିକ ଭାଇର ଅମୃତ ସଂଗୀତ
ଦୂର ଦେବାଳୟ ଶଙ୍ଖ ଧ୍ୱନି ମନ୍ତ୍ର
ଅସରନ୍ତି ଜଳସ୍ରୋତେ ମୀନର ଉତ୍ପାତ
ଅଶାନ୍ତ ଚିତ୍ତକୁ କରେ ସୁଶୋଭିତ ।
ହେଲାଣି ସମୟ ଫେରିଯିବି ମୁଁ ପୁଣି ସେ ମାୟାର କ୍ଷେତ୍ର,
ପ୍ରସନ୍ନ ହେଲି ଦେଖି ଆଜି ତୋ’ର ସାୟଂ କାଳୀନ ଦୃଶ୍ୟ ।
– ରୁଦ୍ର ନାରାୟଣ ପାଣିଗ୍ରାହୀ
Comments
କଟକ ଜିଲାର ସାଲେପୁର ସ୍ଥିତ ପୂର୍ବଛକର ବାସିନ୍ଦା ହେଉଛନ୍ତି ରୁଦ୍ର ନାରାୟଣ ପାଣିଗ୍ରାହୀ । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ/କବିତ ଆଦି ରଚନା କରିଥାନ୍ତି । ତାଙ୍କ ରଚିତ କବିତାମାନ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
