ଆହକି ସୁନ୍ଦର ତାହାର ସୌନ୍ଦର୍ଯ୍ୟ
ମୁଖରିତ କରେ ମନ
ସବୁଜିମା ଭରେ ମନ ହୃଦୟରେ
ଅଜ୍ଞାନକୁ ଦିଏ ଜ୍ଞାନ ॥
ତାହାରି ମୁଁହ ଶ୍ୟାମଳ ସୁନ୍ଦର
ମନକୁ କରେ କୋମଳ
ଆନନ୍ଦ ସଞ୍ଚାରେ ନବୀନ ଚିତ୍ତରେ
ପ୍ରାଣକୁ କରେ ଶୀତଳ ॥
ତାହାରି ହସ ସରସ ସୁନ୍ଦର
ଆତ୍ମାକୁ କରେ ଉଜ୍ୱଳ
ମଞ୍ଜୁଳ ବିକାଶେ ଅନୁରାଗ ବାନ୍ଧେ
ଜୀବନ କରେ ସଫଳ ॥
ତାହାରି ଦାନ ଲଳିତ ମଧୁର
ଦିଏ ନିତି ନୂଆ ତତ୍ତ୍ଵ
ମଧୁ ବାଣ୍ଟେ ମଧୁକ୍ଷରା ପରି
ମମତାର ଆଧିପତ୍ୟ ॥
ଆତ୍ମାର ସିନ୍ଧୁ ମୋର ପ୍ରିୟ ବନ୍ଧୁ
ସେନେହର ରୂପରେଖ
ଆତ୍ମୀୟ ପରଶ ତାହାରି ସ୍ପର୍ଶ
ସତେ ଅବା ମୁକ୍ତ ରଙ୍ଗ ॥
ସୁଗନ୍ଧ ବାଣ୍ଟଇ ସୁକୁମାରୀ କନ୍ୟା
ମାଟିରୁ ଆକଶ ଯାଏଁ
କରୁଣା ବାଣ୍ଟଇ ରୂପଚର୍ଯ୍ୟା ସେତ
ଉଜ୍ୱଳ ବନ୍ଧୁତ୍ୱ ଯାଏ ॥
ସେହିତ ଆରମ୍ଭ ସେହିତ ଶେଷ
ସବୁକିଛି ମୋର ସେହି
ତାହାର ସ୍ନେହ ଆଉ ମମତାଠୁ ବଳି
ମୋ ପାଇଁ ତ ବଡ଼ କିଛି ନାହିଁ ॥
– ସନ୍ତୋଷ କୁମାର ପରିଡ଼ା
Comments
ସନ୍ତୋଷ କୁମାର ପରିଡ଼ା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
