ଛୋଟବେଳୁ ଚକୁଳି ପିଠା (Chakuli Pitha) ମୋର ଭାରି ପସନ୍ଦ । ସରୁ ସରୁ ଚକୁଳି ସହ ଆଳୁ ମଟର ତରକାରୀ । ଆହାଃ ! ଭାବିଲେ ପାଟିରୁ ଲାଳ ବାହାରି ଆସେ । ପିଠା ହେଲେ ବହୁତ ଖୁସି ମୁଁ । କ’ଣ କରିବା ଖାଇବା ପ୍ରତି ଟିକେ ଦୁର୍ବଳ ମୁଁ । ଘରେ ଯାହା ବି ଖାଇବା ଜିନିଷ ରୋଷେଇ ହେଉ ମୋତେ ଆଗ ଦିଆ ଯିବ କି ଚାଖିବା ପାଇଁ ।
ସେଦିନର କଥା, ମୁଁ କଲେଜ ଯାଇଥାଏ ସକାଳୁ ଆସିଲା ବେଳକୁ ବହୁତ ଭୋକ । କ’ଣ ଖାଇବି? ଆଉ ଘରେ ବି କେହି ନାହାନ୍ତି । କିଛି ରୋଷେଇ ହେଇନଥାଏ । ତଥାପି ଖୋଜା ଖୋଜି କରିଲି କ’ଣ ଥିବ ଖାଇବାକୁ । ଖୋଜିଲା ବେଳକୁ ମିଳିଲା ପିଠଉ (ଚକୁଳି ପାଇଁ ପ୍ରସ୍ତୁତି ଆଣ) । ଚାଲିଲା ମୋର ଚକୁଳି ପ୍ରସ୍ତୁତି । ଗ୍ୟାସ ଅନ୍ କରିଲି ତାୱା ବସେଇଲି ତେଲ ପକେଇଲି ତା’ ପରେ ପିଠଉ ଦେଲି । ହେଲେ ପିଠା କଉ ଆଉ ଉଠେ ତାୱାରୁ ! ଯେତେ ବି ଲେଉଟେଉଛି କିଛି ବି ହେଲା ନାଇଁ । ସେଇଥିରେ ପୁଣି ପିଠା ଗୋଲ ନାଇଁ ଯେପରିକି ଭାରତ ମାନଚିତ୍ର ।
କ’ଣ କରିବା ଭୋକ ପ୍ରବଳ । କୁହାଯାଏ ପରିସ୍ଥିତି ମଣିଷକୁ ସବୁ ଶିଖେଇ ଦେଇଥାଏ । ବାସ୍ ଏମିତି ଚେଷ୍ଟା କରି କରି ବହୁତ କଷ୍ଟରେ ପିଠା ଗୋଟିଏ କରିଲି । ମୋ ପିଠା କରିବା ସରିଲା ବେଳକୁ ଘର ଲୋକ ସବୁ ଆସି ସାରିଥିଲେ ଆଉ ମୁଁ ପିଠା କରିବାର ଦେଖି ଖୁସି ହେଲେ, ଅବଶ୍ୟ ଟିକେ ଗାଳି ବି କରିଲେ । ଛାଡ଼ ଯାହା ହେଉ ମୁଁ ତ ପିଠା କରିଲି ଆଉ ଖାଇଲି ବି । ଏତିକି ହେଲା ମୋ ଚକୁଳି ପିଠା କରିବାର ପ୍ରଥମ ଅଭିଜ୍ଞତା ।
– ସ୍ନିଗ୍ଧାଲଷ୍ମୀ ପ୍ରିୟଦର୍ଶିନୀ ମହାପାତ୍ର
Comments
ସ୍ନିଗ୍ଧାଲଷ୍ମୀ ପ୍ରିୟଦର୍ଶିନୀ ମହାପାତ୍ର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
