ନାଲି ପାଣି ଟିକେ ତୁଣ୍ଡରେ ବାଜିଲେ
ଭୁଲେ ସେ ସାରା ଦୁନିଆ ।
ଦିନରେ ପୁଣି ସେ ଦେଖେଇ ଦିଅଇ
କେତେ ଜହ୍ନତାରା ମାନିଆ ॥
ଠିକଣାଟା ତା’ର ନିର୍ଦ୍ଧିଷ୍ଟ ନୁହଁଇ ।
କେତେବେଳେ ନର୍ଦ୍ଦମାରେ ।
କେତେବେଳେ ପୁଣି କୁକୁର ସାଥିରେ
ପଡ଼ିଥାଏ ମଝି ରାସ୍ତାରେ ॥
ଭାବୁଥାଏ ମୁହିଁ ରଜା ଏ ଦେଶର
ସଭିଏଁ ମୋହର ପ୍ରଜା ।
ମୋ କଥା ଟିକିଏ ନ ଶୁଣିଲେ କେହି
ବଜେଇ ଦେବି ମୁଁ ବାଜା ॥
ଫୁଟାଣି କଥାକୁ ଗପ ମାରୁଥାଏ
ମୁଣ୍ଡରେ ମାରିକି ପାନିଆ ।
ଗୋଡ ପଡ଼ୁଥାଏ ଏପଟ ସେପଟ
ପାରୁନାହିଁ ହୋଇ ସେ ଠିଆ ॥
– ଅର୍ଜୁନ ଦାସ
Comments
ଅର୍ଜୁନ ଦାସ
ଅର୍ଜୁନ ଦାସ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
