ମୋ ଜୀବନର ଏଇ ଚଲା ପଥରେ
ତୁମେ ମୋତେ ତୁମଠୁ ଯେତେ ଦୂରରେ ରଖିଥିଲେ
ମଧ୍ୟ, ମୁଁ ମୋର ହୃଦୟର
ପ୍ରତିଟି କୋଣରେ ତୁମକୁ ସାଇତି ରଖିଛି ।
କ’ଣ ମୁଁ ଏହିପରି ତୁମରି ସ୍ମୃତିରେ
କଣ୍ଟକିତ ଶର ଶଯ୍ୟାରେ, ମୋ ଜୀବନକୁ
ଅତିବାହିତ କରୁଥିବି?
କେତେ ଦିନ ଏପରି ହୃଦୟରେ ଅନେକ
କଷ୍ଟ ଧରି, ଏ ଅସ୍ଥିର ସମାଜ ସାମ୍ନାରେ,
ଛଦ୍ମବେଶୀ ଏ ହସର ମୁଖାଟାକୁ ପିନ୍ଧି ବୁଲୁଥିବି?
“ମହାପ୍ରଭୁ” ଏମିତି କେତେ ବଡ଼
ଭୁଲ କରିଦେଇଛି ଯେ,
ଯାହା ଅସରନ୍ତି ଦୁଃଖରେ ପାଲଟି ଯାଇଛି ।
କାହିଁକି ସମସ୍ତଙ୍କୁ ନିଜର କରି ମଧ୍ୟ
କେହି ନିଜର ହୋଇ ପାରିଲେ ନାହିଁ?
କାହିଁକି ସମସ୍ତଙ୍କୁ ଛାଡ଼ି ମଧ୍ୟ କାହାକୁ
କାହାକୁ ଛାଡ଼ିପାରୁ ନାହିଁ?
– ଚିରଶ୍ରୀ ଚିନ୍ମୟୀ ଚଇନି
Comments
ଚିରଶ୍ରୀ ଚିନ୍ମୟୀ ଚଇନି ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
