ଶିକ୍ଷାରୁ ଚରିତ୍ର,
କର୍ମ ଅପବିତ୍ର,
ସମାଜର ହିତ ହଜିଗଲା;
ଉଚ୍ଚ ଶିକ୍ଷା ନେଇ,
ବଡ଼ ପଦ ପାଇ,
ମାନବତା କାଇଁ ହଜିଗଲା?
ସ୍ୱାଭିମାନୀ ହୋଇ,
ଶାଗପେଜ ପିଇ,
ଆନନ୍ଦେ ଚଳିବା ହଜିଗଲା;
ଦରମା ଗୋଟେଇ,
ଉପୁରି କମେଇ,
ଆହୁରି ନିଅଣ୍ଟ ରହିଗଲା ।
ପରିବାର ପାଇଁ,
ରାତିଦିନ ଧାଇଁ,
ସପନର ଘର ଗଢ଼ି ଥିଲା;
ବାପାକୁ ଦୂରେଇ,
ମାଆକୁ ଦୂରେଇ,
ବୃଦ୍ଧାଶ୍ରମେ ପୁଅ ଛାଡ଼ିଦେଲା ।
ଝିଣ୍ଟିକା ମାରଇ,
ବଣିକୁ ପୋଷଇ,
ଅଜ୍ଞାନ ଅନ୍ଧାରେ ହଜିଗଲା;
ଧର୍ମକୁ ଅନେଇ,
ମାନବ ବୋଲାଇ,
ସତ୍ୟ ନ୍ୟାୟ କାହିଁ ହଜିଗଲା?
– ନିରଞ୍ଜନ ପାଣ୍ଡେ
Comments
ନିରଞ୍ଜନ ପାଣ୍ଡେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
