ଭିଡ଼ର ମୁଖ ଶଳାରେ
ନିରୀହ ବ୍ୟକ୍ତିତ୍ୱ ଖୋଜୁଛି ତା’ର ଠିକଣା,
କାହିଁ କେତେ ଦିନୁ ତୃଷ୍ନା ଭରି
ଅନ୍ତର କୋଣରେ ଘୁରି ବୁଲେ
ତାହା ସେ ଜାଣେନା……
ଇର୍ଷା କେବେ ବାଟ କାଟେ ତ
କେବେ ଭୟ ତା’ର କାୟା ମେଲେଇ
ଲୁଚାଇବାକୁ ଚାହେଁ ତା’ର ଅସ୍ତିତ୍ୱ,
କଇଁ କଇଁ କାନ୍ଦି ଗଡ଼ାଇ ଦିଏ ଅଦୃଶ୍ୟ ଲୁହ କେବେ
ତ ଗୁମୁରି ଗୁମୁରି ଝୁରି ହୋଇ ଥାଏ ସେ ବ୍ୟକ୍ତିତ୍ୱ…
ତଥାପି ସଂଗ୍ରାମ ସରିନାହିଁ ତା’ର
ଚାଲୁଅଛି ଅବିରତ,
ଶେଷ ନିଶ୍ୱାସ ଥିଲା ଯାଏ
ଦବି ନଯାଇ ପ୍ରସ୍ଫୁଟିତ ହେଉଥିବ ଏ ବ୍ୟକ୍ତିତ୍ୱ
ପ୍ରସ୍ଫୁଟିତ ହେଉଥିବା ଏ ବ୍ୟକ୍ତିତ୍ୱ ।
– ସସ୍ମିତା ସାହୁ
Comments
ସସ୍ମିତା ସାହୁ ଜଣେ ଓଡ଼ିଆ ଗାଳ୍ପିକା ତଥା କବୟତ୍ରୀ, ଯିଏକି ଓଡ଼ିଆ ଭାଷାରେ ବିଭିନ୍ନ ଧରଣର ଗପ, କବିତା, କ୍ଷୁଦ୍ରଗଳ୍ପ ଆଦି ରଚନା କରନ୍ତି ।
