ନଅ ମାସ ଯାକ ବୁଲି ବୁଲି ମୁହିଁ
ମନେ ରହିଲାନି ପାଠ
ଏଇ ତିନି ମାସ ପିଆଇ ଦେଲଣି
ପାଠଠୁ ଅଧିକା ଶାଠ ॥
ବାହରେ କୋରୋନା ଡର ମାଡ଼ିଆସେ
ପାରୁନାହି କିଛି ଭାବି
ବରଷ ସାରା ମୁଁ ପାଠ ପଢ଼ିନାହିଁ
ବୋଉଲୋ ମୁଁ ପରୀକ୍ଷା ଦେବି ॥
ଗଣିତ ବହିକୁ ଖୋଲିଲା ବେଳକୁ
ଘୂରି ଯାଉଛି ମୋ ମଥା
ଇଂରାଜୀ ପାଠ ମୁଣ୍ଡେ ପଶୁନାହିଁ
କହିବି ଆଉ କାହା କଥା ॥
କୋରୋନାର ଯେଉଁ ପ୍ରକୋପ ହେଲାଣି
ଶୁଣିକି ଲାଗଇ ଜର
ପରୀକ୍ଷା ତାରିଖ ଶୁଣିଲା ବେଳକୁ
ମନରେ ଆସୁଛି ଡର ॥
ଅନଲାଇନିରେ ପରା କ୍ଲାସ କରିଲେ
ପରୀକ୍ଷାଟା ଯଦି ହେବ
କପି ସପି କରି ସବୁ ଲେଖି ଦେବି
ଭାଇ ମୋର ଜୀବନଟା ବଞ୍ଚିଯିବ ॥
– ଅର୍ଜୁନ ଦାସ
Comments
ଅର୍ଜୁନ ଦାସ
ଅର୍ଜୁନ ଦାସ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
