ଭଲପାଇଥିଲି ମନ ଦେଇ ତୋତେ
ଚାଲିଗଲୁ ଛାଡ଼ି କରି ଏକା ମୋତେ
ଏଡ଼େ ବେଇମାନି ଏଡ଼େ ତୁ ନିଷ୍ଠୁର
ଭାଙ୍ଗିଦେଲୁ ମୋର ସାତ ସପନର ଘର ॥
ବୁଝିଗଲି ତୋ’ ଭଲପାଇବାର ମୂଲ୍ୟ
କ’ଣ ଥିଲା ଏହି ଆମ ଅମର ପ୍ରେମ
ମିଥ୍ୟା ପ୍ରତିଶ୍ରୁତିର ଆଶ୍ରା କରିଥିଲୁ
ମୋ ଭଲପାଇବାକୁ ଠକିଦେଇ ଗଲୁ ॥
ତୋ’ ପାଇଁ ମୁଁ ସବୁ କିଛି ଭୁଲିଥିଲି
ତୋତେ ମୁଁ ନିଜର ସବୁଦିନ ପାଇଁ କରିଥିଲି
ସାଙ୍ଗସାଥି ଭୁଲି ତୋ’ ପାଖେ ପାଖେ ଥିଲି
ତୋ’ ଦୁଃଖ ସୁଖରେ ଆଗରେ ମୁଁ ଥିଲି ॥
ଆମ ଭଲପାଇବାକୁ ଦେଖି ସଭିଏଁ କୁହନ୍ତି
ରାମସୀତା ଯୋଡ଼ି କଥା କହିବୁଲନ୍ତି
ଏମିତି ଆଗକୁ କାହା ସାଥେ କରିବୁନି
ସୁଖ ନଦେଲେ ବି କାହା ମନେ ଦୁଃଖ ତୁ ଦେବୁନି ॥
ଭଲ ପାଇଥିଲି ମନ ଦେଇ ତୋତେ
ଜାଣିପାରିଲିନି ଧୋକା ଦେବୁ ତୁ ଏମିତି ମୋତେ
ମୋ ଟିକି ହୃଦୟରେ ରଖିଥିଲି ତୋତେ
ମୋ ଜୀବନଠୁ ଅଧିକ ଭଲପାଉଥିଲି ତୋତେ ॥
ଏଡ଼େ ବେଇମାନି ଏଡ଼େ ତୁ ନିଷ୍ଠୁର
ଭାଙ୍ଗିଦେଲୁ ମୋର ସାତ ସପନର ଘର
ତୋ ଜୀବନରେ ତୁ ଭଲରେ ଥା
ମୋ ଜୀବନେ କେବେ ତୁ ଫେରି ନ ଆ ॥
– ରୁଦ୍ରନାରାୟଣ ଖଟୁଆ
Comments
ରୁଦ୍ର ନାରାୟଣ ଖଟୁଆ ଜଗତସିଂହପୁରସ୍ଥିତ ରାହାମାଠାରେ ଜନ୍ମଗ୍ରହଣ କରିଥିଲେ । ସେ ଆଇ.ଆଇ.ଟି ଧାନବାଦରୁ ପଦାର୍ଥ ବିଜ୍ଞାନରେ ଡକ୍ଟରେଟ୍ ଲାଭ କରିଛନ୍ତି । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ରଚନା କରିଥାନ୍ତି । ତାଙ୍କ ରଚିତ କିଛି ଗଳ୍ପ ବିଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି ।
