ହାତେ ହାତେ ଦେଲେ ହାତୀ ଉଠିଯାଏ
କହନ୍ତି ଜଗତ ଲୋକ,
ତୁହିରେ କାଳିଆ ହାତ ଟେକି ଦେଲେ
ଆଉ କି ରହନ୍ତା ଦୁଃଖ ।
ହାତୀ ବୁଲୁଥିଲେ ବନସ୍ତ ଭିତରେ
ଅଟେ ସେ ତ ରାଜାଙ୍କର,
ଯେଉଁଠି ମୁଁ ଥାଏ ଯେପରି ବା ଥାଏ
ତୁହି ମୋର ଆପଣାର
କାଳିଆ ରାଜାରେ ମୋର ।
ସୁଖର ଦୁଃଖର ସାଥି ତୁହି ମୋର
ତୁହି ମୋ ପରାଣ ମିତ ।
ବଞ୍ଚିଥିଲେ ଲକ୍ଷେ ମରିଗଲେ ଲକ୍ଷେ
ମୂଲ୍ୟ ସିନା ହାତୀଟିର,
ଏଇ ଜୀବନର କେତେ ମୋର ମୂଲ୍ୟ
ତୋତେରେ ସିନା ଗୋଚର
କାଳିଆ ରାଜାରେ ମୋର ।
ମୋ’ ଛୋଟ ମନରେ ଏତିକି ବୁଝିଛି
ତୋ’ ବିନା ମୁଁ ନିରର୍ଥକ ।
– ବସନ୍ତ ପ୍ରଧାନ
Comments
ବସନ୍ତ କୁମାର ପ୍ରଧାନ ଅନୁଗୋଳ ଜିଲ୍ଲାର ଛେଣ୍ଡିପଦାସ୍ଥିତ ହରିହରପୁରର ବାସିନ୍ଦା । ସେ ପେଶାରେ ଜଣେ ଶିକ୍ଷକ ଭାବରେ କାର୍ଯ୍ୟରତ, ମାତ୍ର ନିଶା ତାଙ୍କର କବିତା ଲେଖିବା । ତାଙ୍କ ରଚିତ ଅନେକ କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
