କେବେ ତୁ ଆସିବୁ ମୋ ପାଖକୁ ଧାଇଁ
ଅନେଇ ବସିଛି ମୁହିଁ
ସେ ଅଭୁଲା ହସ ସେ ଅଭୁଲା ବେଶ
ମନେ ପଡ଼େ ନୀତି ରାତି ।
କଥା ଦେଇଥିଲି କଥା ଦେଉଅଛି
ପର କରିବିନି କେବେ
ସାରା ଜୀବନ ମୁଁ ତୋ ସାଥେ ଚାଲିବି
କଣ୍ଟା ଅବା ଫୁଲ ବାଟେ ।
କିପରି ବଞ୍ଚିବି ତୋ’ଠାରୁ ଦୂରେଇ
କେମିତି ଭାବୁ ସେ କଥା
ମୋ ହୃଦୟ ଝୁରେ ପ୍ରତିକ୍ଷେଣେ ତୋତେ
କିପରି କହିବି ବ୍ୟଥା ।
ଏ ସାରା ପୃଥିବୀ ଅଗ୍ନୀମୟ ଲାଗେ
ନ ଥିଲେ ପାଖେ ତୋ’ ଛାଇ
ଜଳି ଜଳି ପ୍ରିୟା ଜୀଅନ୍ତା ଶବ ମୁଁ
ଖୋଜେ ଟିକେ ଛାଇ ଆସରା…
– ସର୍ଜନ କୁମାର ସାହୁ
Comments
ସର୍ଜନ କୁମାର ସାହୁ ପେଶାରେ ଶିକ୍ଷାବିତ୍, ଯିଏକ ଏବେ ଜଣେ ଅଧ୍ୟାପକ ଭାବରେ କାର୍ଯ୍ୟ କରୁଛନ୍ତି । କିନ୍ତୁ ନିଶା ତାଙ୍କର କବିତା ଲେଖିବା; ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି ।
