କ୍ଲାନ୍ତିର ଜ୍ୱାଳାରେ ଆତୁର,
ଏ ସହର ଆଜି ଆଉଥରେ
ପ୍ରତୀକ୍ଷାରେ ରଜନୀର ।
ଆକାଶଟା କଳାରଙ୍ଗରେ
ରଙ୍ଗେଇ ହେବ ଯେବେ,
ଆଉ ରାସ୍ତାଗୁଡ଼ା ବତୁରିଯିବେ
ବିଜୁଳିବତୀର ଆଲୁଅରେ,
ଆରମ୍ଭ ହେବ ଚାରିଆଡ଼େ
ବିଶ୍ରାମର ମହୌତ୍ସବ ।
ନିଦ୍ରାକୁ ଆଲିଙ୍ଗନ କରି,
କେତେ ସ୍ୱପ୍ନ
ଏ ସହର ଗଢ଼ିଯିବ ।
ହେଲେ ବେଳ ଦେଖି,
ବାହୁଡ଼ିଯିବ ତନ୍ଦ୍ରା ।
କଥା ଦେବ
ଏ ନୁହଁ ଶେଷ ଦେଖା ।
ଆସିବ କାଲିକି
ସବୁ ବ୍ୟଥା
ପୁଣିଥରେ ହରିନେବ ।
– ଆଲୋକ ତ୍ରିପାଠୀ
Comments
ଆଲୋକ ତ୍ରିପାଠୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
