ମରାଳ ମାଳିନୀ ନୀଳାମ୍ବୁ ତଟରେ
ଶୋଭାପାଏ ମୋ ଗାଆଁ,
ମୋ ଗାଆଁରେ ବିଜେ ରାଧାମୋହନ ଜୀଉ
ଛେଡ଼ାପଦର ତା’ ନାଆଁ ।
ଗାଆଁଟି ମୋର ଅତି ସୁନ୍ଦର
ଏ ଧରାଧାମ ତଳେ,
କେତେ ବୀର ସୈନିକ ଜନ୍ମ ନେଇଥିଲେ
ମୋ ଗାଆଁ ପ୍ରକୃତି କୋଳେ ।
ମୋ ଗାଆଁରେ ଲୁଚିଛି କେତେ ଯେ କାହାଣୀ
କେତେ ବୀରତ୍ୱର ଗାଥା,
ମନେ ପଡ଼ିଗଲେ ଗର୍ବଗୌରବେ
ଟେକିହୋଇଯାଏ ମଥା ।
ଗାଆଁରେ ଥିଲେ ବୀର ଯବାନ
ମୋ ପ୍ରିୟ ଦୁଷ୍ମନ୍ତ ମାମୁଁ,
ଗାଆଁ ପାଇଁ ଯେଉଁ କୀର୍ତ୍ତି ଅର୍ଜିଛନ୍ତି
ଭୁଲିହେବ ନାହିଁ ମନୁ ।
କ୍ରିକେଟ ଖେଳକୁ ଭଲ ପାଉଥିଲେ
ଡାକୁଥିଲେ ମତେ ଜିଜିନ,
ଦେଶ ମାତୃକାର ସେବା କରି ସିଏ
ହୋଇଗଲେ ଆଜି ଲୀନ ।
ତାଙ୍କରି ଆଦର୍ଶେ ବାଟ ଚାଲୁଥିଲି
ମାନୁଥିଲି ତାଙ୍କ କଥା,
ହୃଦୟ ମଧ୍ୟରୁ ଦିଏ ଶ୍ରଦ୍ଧାଞ୍ଜଳି
ନୁଆଁଏ ଜିଜିନ ତା’ ମଥା ।
– ମୃତ୍ୟୁଞ୍ଜୟ ଗୋପାଳ ଲାଲ
Comments
ମୃତ୍ୟୁଞ୍ଜୟ ଗୋପାଳ ଲାଲ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
