ତୁମେ କେବେ ବୈଶାଖର
ଝାଞ୍ଜିପିଟା ବାଆ ତ-
କେବେ ରିମ୍ଝିମ୍ ବର୍ଷାର ବିନ୍ଦୁ ।
ପୁଣି କେବେ ଫଗୁଣର
ମଳୟ ତ
କେବେ ଶୀତ ସକାଳର କୁହୁଡ଼ି ।
ଆଉକେବେ ମୋ ଚତୁଃପାର୍ଶ୍ୱରେ
ପ୍ରୀତିର ଗଜଲ ପରି
ଅତୀତ ଓଢ଼ଣୀ ତଳେ
ତମ ପ୍ରତିଛବି ଝଲମତ ।
କେବେ କେବେ ମନେପଡ଼ ତୁମେ
ପୁଣି ମନେପଡ଼ିବା
ଓ ଭୁଲିଯିବାର ଲୁଚକାଳି ଖେଳ
ଖେଳୁ ଖେଳୁ ତାରାମାଳ ଭିତରେ
କୋଉଠି ଲୁଚିଯାଅ ଯେ
ଖୋଜି ଖୋଜି ପାଏନି ତୁମକୁ
ସମ୍ଭବତଃ ଏବେ ମୁଁ ସମ୍ପୂର୍ଣ୍ଣ ଏକା
ମୋ ଚଉହଦୀ ଶୂନ୍ୟ
ମୋ ସରହଦ୍ ଫାଙ୍କା ।
Comments
ସୁଧାଂଶୁ ଶେଖର ଦ୍ୱିବେଦୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
