ନିରବି ଯାଇଛି ନିରବ ଆଖି ମୋ
ନିରବେ ଝରାଏ ଲୁହ,
ଶବ୍ଦ ହୁଏ ନାହିଁ ଗୋପନ ଯନ୍ତ୍ରଣା
ଦିଶେ ଖାଲି ତୁମ ମୁହଁ ॥
ସ୍ଥିର ହୋଇ ଯେବେ ଠିଆ ହୁଏ ନିଜେ
ସତ୍ୟର ଆଇନା ପାଖେ,
ଅଟକି ଯାଇଚି ଭାଗ୍ୟ ବିବର୍ଣ୍ଣ ମୋ
ବିରହ ସମୟ ସଙ୍ଗେ ॥
ବଦଳି ଯାଇଛି ସବୁ କିଛି ଆଜି
ବିଶ୍ୱାସ ପ୍ରତି ପୃଷ୍ଠାରେ,
ଅପ୍ରାପ୍ତ ରସେଇ ଅଜଣା ନଗରି
ନାହିଁ ଆଜି ଉଲ୍ଲାସରେ ॥
ମୃଦୁ ମୃଦୁ ଆସି ଭିଜାଇଲ ମନ
ହୃଦେ ପ୍ରେମର ଆନନ୍ଦ,
ସେଇ ହୃଦୟରେ ସ୍ଥାପନ କରିଲ
ପ୍ରେମର ଏ ଆଗମନ ॥
ନିଷ୍ଠୁର ସମୟ କଲା ଯେ ସମାପ୍ତି
କ୍ଷଣିକେ ଭଙ୍ଗୁରେ ଲିନ,
ଅବସାଦ ପାଇ ଲୁହରେ ଭିଜୁଛି
ପ୍ରତି ହୃଦୟ ସ୍ପନ୍ଦନ ॥
ବିରହ ଜ୍ଜଳାରେ ଲିପ୍ତେ ଛନ୍ଦି ହୁଏ
ସ୍ନିଗ୍ଧ ସୌଷ୍ଠବ ପ୍ରିତି,
ନିରବ ଆଖି ମୋ ନିରବେ ଝରାଏ
ଖୋଜେ ଅତିତର ସ୍ମୃତି ॥
– ମମତା ସାହୁ
Comments
ମମତା ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
