ବସନ୍ତର ମୃଦୁ ହୋଇ ମନ ଚୋରି କଲ ।
ନିଦରେ ଆସିକରି ସ୍ୱପ୍ନ ଦେଖାଇଲ ॥
ପୂର୍ଣ୍ଣମୀର ଚାନ୍ଦ ପ୍ରାୟ ହୋଇ ଆଲୋକିତ ।
ମନ ତଳେ ସ୍ନେହ ପ୍ରେମ କଲ ସଞ୍ଚାରିତ ॥
ଇନ୍ଦ୍ରଧନୁ ସାଜି ଜୀବନେ ରଙ୍ଗ ବୋଳି ।
ଆଙ୍କୁଥିଲ କେତେ ଚିତ୍ର ଧରି ନିଜେ ତୂଳୀ ॥
ଶରତର କାଶତଣ୍ଡି ପରି ମନମୋହି ।
ହେମନ୍ତ ଶିଶିରେ ଭିଜାଇଲ କାହିଁ ପାଇଁ ॥
ବନ୍ଧୁତାରେ ଲାଗିଲା କାହାର ନଜର ।
କେଇପଦ କଥାରେ ହେଇ ତୁମେ ପର ॥
ନିଦାଘରେ ଝାଞ୍ଜି ହୋଇ ଜାଳିଦେଇଗଲ ।
ବରଷାର ବନ୍ୟା ହୋଇ ମନ ଧୋଇ ଦେଲ ॥
ଏସବୁ ପଛରେ ନିଶ୍ଚେ ଅଛି କେଇଁ ଶାପ୍ୟ ।
ଇଶ୍ଵର କରନ୍ତୁ ଜୀବନେ ମିଳିଯାଉ ମୋକ୍ଷ ॥
– କେଶରୀ ପ୍ରସାଦ ମହାନ୍ତି
Comments
କେଶରୀ ପ୍ରସାଦ ମହାନ୍ତି ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
