କାଳିଆ ଆସୁଛି ଲଗାଇ ଟାହିଆ
ସାଥେ ମା’ ସୁଭଦ୍ରା ଓ ପ୍ରଭୁ ବଳିଆ ।
ଦରଶନ ଦେବେ ସାରା ଜଗତକୁ
ନୟନ ଚାହେଁ ଭୁଲି ସବୁ ଦୁଃଖକୁ ।
ଲୀଳାମୟ ଠାକୁର ଚକା ଡୋଳିଆ
ତା’ ପରି କାହିଁ ଆଉ ବଡ଼ ଛଳିଆ ।
ବର୍ଷକୁ ଥରେ ଆସେ ବଡ଼ ଦାଣ୍ଡକୁ
ଦର୍ଶନ ଦେବ ସେ ସାରା ଜଗତକୁ ।
ଯାତ ମଧ୍ୟେ ଶ୍ରେଷ୍ଠ ଶ୍ରୀ ଗୁଣ୍ଡିଚା ଯାତ
ଭକ୍ତ ଦେଖି ଖୁସି ତୋ’ ଯାତର ନେତ ।
ପ୍ରଭୁ କହେ କେହି ତୁମେ ଦଗାଦିଆ
ପୁଣି କେହି କହୁଛି ତୁମେ ଛଳିଆ ।
ଭକ୍ତ ସାଲବେଗ, ଦାସିଆ ବାଉରୀ
ରଥ ଛାଡ଼ିଗଲ ଶୁଣି ସେ ଗୁହାରି ।
ମୁହିଁ ଅଧମ ତୁମ୍ଭେ ଡାକେ ମଣିମା
ଦୟାବାନ ପ୍ରଭୁ ଗୁହାରି ଶୁଣିମା ।
ପ୍ରତୀକ ସର୍ବ ଧର୍ମ ସମ୍ମନୟର
ଢାଳିଦିଅ ସଭିଙ୍କୁ ଦୟା ଅପାର ।
ଦେଖାଅ ପ୍ରଭୁ ସଭିଙ୍କୁ ଭଲ ପଥ
ହେ ଦିନଙ୍କ ନାଥ ଜୟ ଜଗନ୍ନାଥ ।
– ଦେବଦତ୍ତ ସ୍ୱାଇଁ
Comments
ଦେବଦତ୍ତ ସ୍ୱାଇଁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
