ମୋ ମାଟିରେ ଭାରତ ମାଁ ଦିଶେ ସୁନ୍ଦର
ତା’ ବକ୍ଷରେ ଏହି ଜଗତକୁ ଧରି ରଖିଛି,
କେତେ ଚାବୁକ ମାଡ଼ କେତେ ଗୁଳିଖାଇ
କେତେ ସ୍ନେହରେ ଛିଡ଼ା ହୋଇଛି ।
ସୁରକ୍ଷା ପାଇଁ ଏଇ ମା’ର
ସହିଦ ହେଲେ କେତେ ଯେ ବୀର,
ତ୍ରିରଙ୍ଗା ଗାଉଛି ଗାଥା ଏ ଭାରତର ।
ଏଇ ଭାରତ ମାଁ ମାଟିରେ ଜାତିର ପିତା
ଏକାଠି କରି ସଭିଙ୍କୁ ଦିନେ କରିଥିଲେ ସଂଗ୍ରାମ,
ଇଂରେଜ ହାତରୁ ମୁକ୍ତ କରିବାକୁ
କେତେ ଯେ ବୀର କରିଥିଲେ ଆପ୍ରାଣ ଉଦ୍ୟମ ।
ଏଇ ଭାରତ ମାଟିରେ ମିଶି ଯାଇଛି
ତା’ ସନ୍ତାନଙ୍କ ପ୍ରାଣ, ଭରି ଯାଇଛି ଲହୁ,
ଇଂରେଜଠାରୁ ମୋଗଲ ଯାଏଁ ସଭିଏଁ
ତା’ ଉପରେ ସାଜିଥିଲେ ଦାଉ ।
– ଲକ୍ଷ୍ମୀପ୍ରିୟା ଧରୁଆ
Comments
ଲକ୍ଷ୍ମୀପ୍ରିୟା ଧରୁଆ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
