ବେସର ପ୍ରାୟ ଓଡ଼ିଆଙ୍କର ପ୍ରିୟ । ଅନେକ ସ୍ଥାନରେ ମାଛ ବେସର ଠାକୁରାଣୀଙ୍କ ପାଖରେ ଭୋଗ ଲାଗିବାର ନଜିର୍ ରହିଛି । ତେବେ ଆଜି ଆସନ୍ତୁ ପ୍ରସ୍ତୁତ କରିବା ମାଛ-ଆଳୁ ବେସର । ଅଳ୍ପ ସମୟରେ ଆଉ ଅଳ୍ପ ପରିଶ୍ରମରେ ପ୍ରସ୍ତୁତ କରିବା ଏହି ସୁଆଦିନ ଆଇଁଷିଆ ତରକାରୀଟି ।
ଆବଶ୍ୟକୀୟ ଉପାଦାନ
- ମାଛ
- ବେସର
- ଲୁଣ
- ହଳଦୀ
- ବାକି ମସଲା
ପ୍ରସ୍ତୁତ ପ୍ରଣାଳୀ
କଞ୍ଚା ମାଛକୁ ଲୁଣ, ହଳଦୀ, ବେସର ପକେଇ ଭଲ ଭାବରେ ଗୋଳେଇକି ୩୦ ମିନିଟ ଛାଡ଼ିଦିଅନ୍ତୁ । ଆଳୁକୁ ପତଳା ପତଳା କାଟି (ନିଜ ହିସାବରେ ବି କରିପାରିବେ) ଅଳ୍ପଟିକେ ସନ୍ତୁଳି ଦେବେ । ଗୋଟେ ମିଡିଅମ୍ ପିଆଜ ସରୁ ସରୁ କାଟି ରଖିବେ, କଞ୍ଚା ଲଙ୍କା ବି ଲମ୍ବରେ କାଟିବ (ରାଗ ଖାଉଥିଲେ ପକେଇବେ, ନହେଲେ ନାହିଁ) । ଗରମ କଡ଼େଇରେ ତେଲ ଫୁଟଣ ଫୁଟେଇ ବେସର ସନ୍ତୁଳନ୍ତୁ ଏବଂ ଟିକେ ପରେ ଆଳୁ ପକେଇ ଆଉ ଥରେ ସନ୍ତୁଳନ୍ତୁ । ପାଣି ଦେଇ ସ୍ୱାଦ ଅନୁସାରେ ଲୁଣ ଓ ହଳଦୀ ଦେବେ । ଫୁଟି ଆସିଲେ ମାଛ, ପିଆଜ ଆଉ ଲଙ୍କା ପକେଇବେ । ଦର ସିଝା ହେଇ ଆସିଲେ ଆମ୍ବୁଲ ପକେଇ ଘୋଡ଼େଇ ଦେବେ । ଆଳୁ ସିଝିଗଲେ ଓହ୍ଲେଇ ଆଣିବେ ।
ଇଂରାଜୀରେ ପଢ଼ନ୍ତୁ
Comments
ତାପସ ରଞ୍ଜନ ଶୁଭପଲ୍ଲବ ଓଡ଼ିଆ ଇ-ପତ୍ରିକାର ସହ-ସମ୍ପାଦକ ଏବଂ ସେ ବିଭିନ୍ନ ଆଧ୍ୟାତ୍ମିକ ତଥା ସାମାଜିକ କଥାବସ୍ତୁ ଉପରେ ଗପ, କବିତା, କାହାଣୀ ଆଦି ରଚନା କରନ୍ତି ।
