ସୃଷ୍ଟିର ସେ ଯେ କମନୀୟ ରୂପ
ହାସ୍ୟମୟୀ, ଲାସ୍ୟମୟୀ ଦେବୀର ସ୍ୱରୂପ ।
ଅଶାନ୍ତିର ହୃଦେ ଦିଏ ଶାନ୍ତିର ପ୍ରଲେପ,
କୋଟି ଅନ୍ଧାକାରେ ତୁହି ଗୋଟିଏ ପ୍ରଦୀପ ।
ତୋ’ ଅନ୍ତରରୁ ଝରେ ପ୍ରୀତି-ପୀୟୁଷର ଧାରା,
ଅବାରିତ ମନ ତତେ ଖୋଜେ ନିତି ପରା ।
ସନ୍ତାନର ଅଟୁ ତୁହି ଏତେ ଆପଣାର,
ପ୍ରବାସରେ ମନ ଝୁରେ ତୋହରି ଆଦର ।
ଏ ଜଗତେ ଲୋଡ଼ା ଖାଲି ତୋ’ର ସ୍ନେହ ପ୍ରୀତି,
ତା’ଠାରୁ ବଡ଼ ତ ନାହିଁ ଅମୂଲ୍ୟ ସମ୍ପତ୍ତି ।
ସ୍ନେହ ମମତାରେ କରୁ ଜଗତକୁ ବଶ,
ଜଗତ ଲୋଡ଼ୁଛି ଖାଲି ତ’ର ଶୁଭାଶିଷ ।
ଦୂର ଦେବାଳୟେ ଯିବା ନାହିଁ ପ୍ରୟୋଜନ,
ତୋ’ର ସେବା କରି ଯାଉ ସକଳ ଜୀବନ ।
– ଚିନ୍ମୟୀ ସାହୁ
Comments
ଚିନ୍ମୟୀ ସାହୁ ଜଣେ ଓଡ଼ିଆ ଲେଖିକା ଯିଏକି ବିଭିନ୍ନ ସାମାଜଧର୍ମୀ ରଚନା ଆଦି କରିଥାନ୍ତି । ତାଙ୍କ ଆଲେଖ୍ୟଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
