ଲକ୍ଷ୍ୟ ହୋଇପାରେ ତୁମ ପାଇଁ କେତୋଟି ନୋଟର ସମଷ୍ଟି,
ଯାହା କିଣାଯାଇପାରେ ଅନେକ ଅନେକ ପ୍ରାଇଭେଟ୍ ଇନଷ୍ଟିଚ୍ୟୁଟ୍ରେ;
କିନ୍ତୁ ସେହି ଲକ୍ଷ୍ୟ ମୋ ପାଇଁ ଅପୂର୍ଣ୍ଣ ଥିବା ଅଧୁରା ସ୍ୱପ୍ନ,
ଯାହା କେବଳ ସଜା ହୋଇଛି ସୁନ୍ଦର ଭାବେ ଏଇ ମୋ ଆଖିରେ;
ଶିକ୍ଷା ହୋଇପାରେ ତୁମ ପାଇଁ କେବଳ ସାର୍ଟିଫିକେଟରେ ଜାଗାଧରୁଥିବା କେତୋଟି ସଂଖ୍ୟାର ସମଷ୍ଟି ଯୁଗଳ,
କିନ୍ତୁ ସେହି ଶିକ୍ଷା ମୋ ପାଇଁ କେତେ ରାତିର ଅନିଦ୍ରା ଏବଂ ଭୋକେ ରହି ପୁସ୍ତକ କିଣିଥିବାର ଫଳ;
ସମୟ ହେଇପାରେ ତୁମପାଇଁ କ୍ଲବର ମଉଜ ମସ୍ତି, ପିକ୍ନିକ୍ରେ କାଟିଥିବା କେତୋଟି ସ୍ମୃତି,
କିନ୍ତୁ ସେହି ସମୟ ମୋ ପାଇଁ ବାପାଙ୍କର ଝାଳବୁହା ପରିଶ୍ରମ ଓ ମା’ର ପେଟରେ ଓଦାକନା ଦେଇ କଟେଇଥିବା ରାତି;
ତୁମେମାନେ ଏଥି ମଧ୍ୟରେ ପହଞ୍ଚିଥିବା ଲକ୍ଷ୍ୟର କୁଳକୁ କହିପାର ସଫଳତା,
କିନ୍ତୁ ମୁଁ ସଫଳତା ଶିଖରରେ କେତୋଟି ପାହାଚ ଚଢ଼ିବି ବୋଲି,
ପାରିବ କି କହି ୟେ ମୋର ବିଫଳତା…
– ଜ୍ୟୋତିଶ୍ରୀ ପାଣିଗ୍ରାହୀ
Comments
ଜ୍ୟୋତିଶ୍ରୀ ପାଣିଗ୍ରାହୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି ।
