କୋରାପୁଟ କୋଲାବ ନଦୀ
ବହେ ନିର୍ଜନ ପ୍ରାନ୍ତ ଦେଇ
ମାଇଲ ମାଇଲ ଧରି ସୋରିଷ ଫୁଲ
ଫୁଟି ଅଛି ପୁଲ୍ଲକିତ ହୋଇ,
ଏଣେ ରାସ୍ତା ଦୁଇ ପାଖେ ପୁଣି
ମାଙ୍କଡ଼ ଓ ହନୁର ସୁଅ
କାରଣ ଜାଣିଲେ ଆଶ୍ଚର୍ଯ୍ୟ ଲାଗେ
କାହିଁକି ନା ଅଛି କେନ୍ଦୁ ଓ କଦମ୍ବ ଗଛ ॥
ତହିଁ ଦୂର ଝାଉଁ ବଣ ବାଟ ଦେଇ
ଅଛି ଏକ ଅଣଅସାରିଆ ପାହାଡ଼ି ରାସ୍ତା
ଯାହା ମୋ ସୋନାଲି ଘରକୁ ଯାଇଛି
କେତେ କାରିଗର ଓ କାଠୁରିଆଙ୍କ ହାତେ
ସେଇ ରାସ୍ତାଟେ ହେଇଛି,
ସୋନାଲିକୁ ଜଣାନାହିଁ
ତାକୁ ଭଲପାଇବା ଦିନଠୁ
ମୁଁ ସେ ରାସ୍ତାରେ ନିଇତି ଯିବା ଆସିବା କରୁଛି ॥
ସେ କେବେ ଯାଇ ନାହିଁ ସହରକୁ
ଭେଟି ନାହିଁ କୋଉ ସହରି ବାବୁକୁ
ସେ ଜାଣେନାହିଁ ସହରିଆ କଥା
ବାସ୍ ସେ ଖାଲି ଜାଣେ ଗାଁ’ ମାଟି ପବନ କଥା,
ସୋନାଲିକୁ ଭଲପାଇ ସୂରୁଜ ଉଦୟ ଓ ଅସ୍ତ
ମୁଁ ତାଙ୍କରି ଗାଁ’ରେ ଦେଖୁଛି ଏବଂ
ତାଙ୍କ ଗାଁ’ ଡ଼ଙ୍ଗର-ଟାଙ୍ଗର, ପରବତ-ଝଲାକୁ
ମୁଁ ଆପଣେଇ ନେଇଛି ॥
– କିଶୋର କୁମାର ଖିଲ
Comments
କିଶୋର କୁମାର ଖିଲ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
