କେବେ ସିଏ ମାଆ
କେବେ ସେ ଭଉଣୀ
ଭିନ୍ନ ଭିନ୍ନ ରୂପ
ଭିନ୍ନ ତା’ କାହାଣୀ ॥
ମାଆ ରୂପେ ସିଏ
ମମତା ମନ୍ଦିର
ଭଉଣୀ ରୂପରେ
ଭାରି ହିତକର ॥
ବନ୍ଧୁ ରୂପେ ସିଏ
ଭାରି ହାସ୍ୟମୟୀ
ପ୍ରେମିକା ରୂପରେ
ସଦା ଲାସ୍ୟମୟୀ ॥
ପୁତ୍ରୀ ରୂପେ ସିଏ
ସ୍ନେହର ଆତୁର
ତା’ର କୁନି ଓଠ
ଖୁସିର ଭଣ୍ଡାର ॥
ଘରଣୀ ରୂପରେ
ଗୃହ କାର୍ଯ୍ୟେ ବ୍ୟସ୍ତ
କାର୍ଯ୍ୟାଳୟେ ମଧ୍ୟ
ସିଏ ସିଦ୍ଧହସ୍ତ ॥
ଶିକ୍ଷୟିତ୍ରୀ ରୂପେ
କରେ ଶିକ୍ଷା ଦାନ
ସେବିକା ରୂପରେ
କରେ ମହତ୍ କର୍ମ ॥
ଭିନ୍ନ ଭିନ୍ନ ରୂପ
ଭିନ୍ନ ତା କାହାଣୀ
ମହାକାଶେ ମଧ୍ୟ
ଆଜି ସେ ଅଗ୍ରଣୀ ॥
ସେ ନାରୀ,
ଭିନ୍ନ ଭିନ୍ନ ରୂପ
ଭିନ୍ନ ତା’ କାହାଣୀ ॥
– ଗଗନ କୁମାର ପାଣିଗ୍ରାହୀ
Comments
ଗଗନ କୁମାର ପାଣିଗ୍ରାହୀ ଗଞ୍ଜାମ ଜିଲ୍ଲାରେ ଜନ୍ମଗ୍ରହଣ କରିଥିଲେ । ସେ ବିଚାର ବିଭାଗର କିରାଣୀ ଭାବରେ ଅଧୁନା କାର୍ଯ୍ୟରତ ଅଛନ୍ତି । ଗଗନ ତାଙ୍କ ଫାଙ୍କା ସମୟରେ ଓଡ଼ିଆରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଲେଖାଗୁଡ଼ିକ ବିଭିନ୍ନ ପତ୍ରପତ୍ରିକାରେ ପ୍ରକାଶ ପାଇଛି ଏବଂ ତାଙ୍କର ଅନେକ ପାଠକୀୟ ଆଦୃତା ରହିଛି ।
