ତୋ’ର ଛବି ଉଙ୍କିମାରେ
ଏହି ଜୀବନେ ପଥେ
ମନଲୋଭା ବାତ୍ସଲ୍ୟର ମୋହ
ସୁମଧୁର କରତାଳ ସହ ।
ଭଲ ପାଇବାର ସେ ଆତ୍ମୀୟତା
ପଣତେ ତା’ର ସ୍ୱପ୍ନଭିଜା ରଙ୍ଗୀନ ଫଗୁଣ
ଆଖିରେ ରହିଛି ତା’ର ଅନନ୍ତ ଇସାରା
ମୋହରେ ବାନ୍ଧି ହୋଇଛି ତ୍ରିବେଣୀ ମୁହାଣ ।
ପରିବାରକୁ ନିଜ ସ୍ୱପ୍ନ ଦେଇ
ସମ୍ଭାଳିଛି ନକରି ବେଳ-ଅବେଳ
କରିନି ବାହାନା ବଞ୍ଚିବାର ସଂଘର୍ଷ ନେଇ
ରହିଛି ଆମ ସହ ଚିର ତିଳ ଜଞ୍ଜାଳ ସହ ।
ଆଗରେ ଜୀବନର ଅନେକ ପଥ
ମା’ର କୋଳକୁ ଡେଣା କରି
ଉଡ଼ିଯିବି ମୁଁ କୋମଳ ପକ୍ଷୀ
ଅନାୟାସରେ କରିବି ସମ୍ରାଜ୍ୟେ ଭ୍ରମଣ ।
ଆଜି ବି ତା’ର ସେଇ ନିଆରା ଛୁଆଁ
ଦେହେ ଆଣି ଦିଏ ନୂତନ ସଞ୍ଚାର
ସତେ କି ସେ ଅଟେ ଯାଦୁଗରୀ କିଆଁ
ତା’ କୋମଳ ହାତର ସ୍ପର୍ଶ କରିଦିଏ ମନମୁଗ୍ଧ ।
– ନିର୍ମଳ ସାହୁ
Comments
ନିର୍ମଳ ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
