ଆସିଛି ଯେ ଆଜି ନୂଆ ବରଷ, ସଙ୍ଗେ ଆଣିଅଛି କେତେ ହରସ;
ଭରିଯାଉ ମନେ ହର୍ସ ଉଲ୍ଲାସ, ହୋଇଯାଉ ଆଜି ହିଂସା ବିନାଶ;
ଆଲୋକମାଳାରେ ହୋଇ ସଜ୍ଜିତ, ନୂଆବର୍ଷ ଗାଉ ଉଲ୍ଲାସ ଗୀତ;
ହୋଇ ନୂଆବର୍ଷ ସ୍ୱର୍ଗୀୟ ପରୀ, ଆଣିଦେଉ କେତେ ସୁନାମ ଶିରୀ;
ପ୍ରତି ମନେ ଆସୁ ଭକ୍ତି ଓ ନିଷ୍ଠା, ଦେଖାଇବାକୁ ଶକ୍ତି ପରକାଷ୍ଠା;
ଉଡ଼ୁ ଗଗନରେ ଶାନ୍ତିର ବାର୍ତ୍ତା, ଖୋଲିଯାଉ ଆଜି ପ୍ରେମର ରାସ୍ତା;
ନୂଆବର୍ଷ ଆଣୁ ଶାନ୍ତି ସୌଭାଗ୍ୟ, ଗଢ଼ିଉଠୁ ଧରାରେ ରାମରାଜ୍ୟ;
ସତ୍ୟ ଓ ନ୍ୟାୟର ହେଉ ବିଜୟ, ଭାଈଚାରା ରହିଥାଉ ଅକ୍ଷୟ;
ହସୁ ଆଜି ଏଇ ପୃଥିବୀ ମାତା, ଶୁଣୁ ସିଏ ଆଜି ବିଜୟ ଗାଥା;
ଧ୍ୱଂସ ହୋଇଯାଉ ପାପର ସ୍ତୂପ, ନେଉ ଏ ମହୀ ପୂଣ୍ୟମୟୀ ରୂପ;
ସଭିଙ୍କର ସ୍ୱପ୍ନ ହେଉ ପୂରଣ, ନୂଆବର୍ଷ ଆଣୁ ନୂଆ କିରଣ;
ନୂଆ ବର୍ଷରେ ଖୁସିର ସାଗର, ହେଉ ଏ ଧରା ଉତ୍ସବମୁଖର…
– ଯଜ୍ଞେଶ କୁମାର ରାଉତ
Comments
ଯଜ୍ଞେଶ କୁମାର ରାଉତ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
