ଦୁଇ ଦିନର ଏ ମଣିଷ ଜୀବନ
କାହିଁକି ରଖିବା ରାଗ ଅଭିମାନ
ଇଶ୍ୱର ସୃଷ୍ଟିରେ ସଭିଁଏ ସମାନ
ବାଣ୍ଟି ଚାଲିବା ବନ୍ଧୁ ଶ୍ରଦ୍ଧା ସମ୍ମାନ ॥
ଆସିଛେ ଏକା ଯିବା ହିଁ ଏକା
କେହି ଯିବେ ନାହିଁ ଆମ ସାଥିରେ
ଯାହା ଆଣିଥିବା ତାହା ହିଁ ନେବା
କେହି ନେବେ ନାହିଁ ବାଟିଏ ॥
ପୁଙ୍ଗୁଳା ଦେହରେ ଜନମ ହୋଇଛେ
ପୁଙ୍ଗୁଳା ଯିବା ଆମେ ଚାଲି
ଗର୍ବ ଅହଂକାର କାହିଁକି କରିବା
ଶରୀର ତ ମାଟି ବାଲି ॥
ଏନ୍ତୁଡିରୁ ଜୁଇ ଦୁଇଟି ନିଆଁ
କୁଣିଆ ଆମେ ଏଠି ଦୁଇ ଦିନିଆ
ଆଜି ମଲେ କାଲିକି ହେବ ଦୁଇଦିନ
ଭୁଲିଯିବେ ସମସ୍ତେ ପରେ ଦଶଦିନ ॥
ଟଙ୍କା ପଇସା ବନ୍ଧୁ ନୁହେଁ ମୂଲ୍ୟବାନ
ଶ୍ରଦ୍ଧା ଭଲପାଇବା ରଖିବା ସମାନ
କରିବା ନାହିଁ କାହାକୁ କେବେ ଅପମାନ
ମଣିଷ ଆମେ ପରା ସଭିଏଁ ସମାନ ॥
ଗର୍ବ ଅହଂକାର କାହିଁକି କରିବା
କାହିଁକି ନିନ୍ଦା ଅପମାନ ସାଥିରେ ନେବା
ସମ୍ମାନ ସହଯୋଗ ସଭିଙ୍କୁ କରିବା
ପର ଆପଣାର କିଛି ନ ଭାବିବା ॥
ସମସ୍ତେ ଚାଲିବା ସତ ମାର୍ଗରେ
ଦାନ ଧର୍ମ କରିବା ନିଜ ହାତରେ
ଧନୀ କି ଗରିବ ନାହିଁ ଭେଦରେ
ସମସ୍ତେ ଏଠି ଦୁଇ ଦିନିଆ କୁଣିଆରେ ॥
– ସୁସ୍ମିତା ବାଭୀ
Comments
ସୁସ୍ମିତା ବାଭୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
