ସମ୍ପୂର୍ଣ ଓଡ଼ିଆ ଭାଷାରେ ଓଡ଼ିଆ ଲୋକଙ୍କ ଦ୍ୱାରା ରଚିତ କିଛି ଗଳ୍ପ, ପ୍ରବନ୍ଧ, କବିତା, ଭ୍ରମଣ କାହାଣୀ, ଆତ୍ମକଥା, ବ୍ୟଙ୍ଗ ରଚନା ଆଦିକୁ ନେଇ ପ୍ରକାଶ କରିବାର ପ୍ରଚେଷ୍ଟା କରିଯାଇଛି । ନୂଆ କରି ଆସିଥିଲା ସେ ”ନବପଲ୍ଲବ” ରୂପରେ ଏବଂ ପରେ ସାଜିଛି “ଶୁଭପଲ୍ଲବ” । ବସନ୍ତ ଋତୁର ଆଗମନରେ ଯେମିତି ପତ୍ରଝଡ଼ା ଦେଇଥିବା ବୃକ୍ଷରେ ନୂଆ ପତ୍ର ଗଜରୁଥାଏ, ଠିକ୍ ସେମିତି କିଛି ନୂଆ ନୂଆ ଲେଖାକୁ ନେଇ ପ୍ରସ୍ତୁତ ହୋଇଥିଲା ଏହାର ପ୍ରଥମ ସଂସ୍କରଣ ଏବଂ ଧୀରେ ଧୀରେ ଆଗକୁ ବଢ଼ିଚାଲିଛି ।
ଏହି ପତ୍ରିକାଟି ଇ-ପତ୍ରିକା ହୋଇଥିବାରୁ ଏହାକୁ ପଢ଼ିବାକୁ କୌଣସି ମୂଲ୍ୟ ଲାଗିବ ନାହିଁ ଏବଂ ଲେଖକମାନଙ୍କୁ କୌଣସି ମୂଲ୍ୟ ପ୍ରଦାନ କରାଯାଇନାହିଁ ।
“ବିନା ମୂଲ୍ୟରେ ଲୋକମାନଙ୍କର ରଚନାକୁ ପାଠକମାନଙ୍କ ପାଖରେ ପହଞ୍ଚାଇବା ହେଉଛି ଆମର ପ୍ରଥମ ଲଷ୍ୟ”
ଏହି ପତ୍ରିକାଟି ଆମର ଓଡ଼ିଆରେ ପ୍ରକାଶ ପାଉଥିବାରୁ ଆପଣମାନଙ୍କୁ ଲେଖା ଓଡ଼ିଆରେ ପଠାଇବାକୁ ହେବ । ଓଡ଼ିଆରେ ଯେ କୌଣସି ଲେଖା ଚଳିବ, କିନ୍ତୁ ଲେଖା ସମ୍ପୂର୍ଣ୍ଣ ନିଜର ହୋଇଥିବା ଆବଶ୍ୟକ ଏବଂ ଭବିଷ୍ୟତରେ ଅସୁବିଧା ସୃଷ୍ଟି କଲାଭଳି ଯଥା ରାଜନୈତିକ ଆକ୍ଷେପ ଆଦି ଲେଖାକୁ ପ୍ରକାଶ କରାଯିବ ନାହିଁ ।
ଆମ ଯେହେତୁ ଇ-ପତ୍ରିକାରେ ପ୍ରକାଶ କରୁଛୁ, ଅଧିକାଂଶ ଲୋକଙ୍କର ଠିକଣା ମଧ୍ୟ ତଳେ ଦିଆଯାଉନାହିଁ । ଭବିଷ୍ୟତରେ କେହି ଅସୁବିଧାରେ ନ ପଡ଼ନ୍ତୁ ବୋଲି ଇ-ମେଲ୍ ଠିକଣା ମଧ୍ୟ ଆମେ ଦେଉନାହୁଁ । କିନ୍ତୁ ଫଟୋଟିଏ ଦେବା ଅନିବାର୍ଯ୍ୟ । ବିନା ଫଟୋରେ ଲେଖା ଆଉ ପ୍ରକାଶ ପାଇବ ନାହିଁ । ଯଦି ଆପଣ କୌଣସି ନିର୍ଦ୍ଦିଷ୍ଟ ଚରିତ୍ରକୁ (ଯଥା: ନିଧି ଅଜା, ଅକାଳ କୁଷ୍ମାଣ୍ଡ) ନେଇ ରଚନା କରୁଛନ୍ତି, ତେବେ ସେଇ ଚରିତ୍ରର ଫଟୋ ପଠାଇବାକୁ ହେବ ।
ଆମ ପତ୍ରିକାଟି ତିନି ମାସରେ ଥରେ ପ୍ରକାଶ ପାଉଛି, ତେଣୁ ଏକାଧିକ ଲେଖା ପ୍ରକାଶ କରିବା ଅସୁବିଧା । ଯଦି ଆପଣ ଅଧିକ ଲେଖା ପଠାଉଛନ୍ତି, ତେବେ ବଳିପଡ଼ିଥିବା ଲେଖାଟି ଆମ ପତ୍ରିକାରେ ପ୍ରକାଶ ନ ପାଇ ହୁଏତ ଆମର ୱେବ ପୋର୍ଟାଲ୍ରେ ପ୍ରକାଶ ପାଇବ ।
ସମୟ ଅନୁସାରେ ଆଜ୍ଞା ଯୋଜନା ବଦଳି ଆସିଛି । ତେଣୁ ଭବିଷ୍ୟତ କଥା ତ ସେମିତି ଜଣା ନାହିଁ, ହେଲେ ଏବେ ଆମେ ଅଧିକରୁ ଅଧିକ ଓଡ଼ିଆ ପାଠକ ଆବଶ୍ୟକ କରୁଛୁ । ସେଇଥିପାଇଁ ତ ବିନା ମୂଲ୍ୟରେ (ଇଣ୍ଟରନେଟ ଚାର୍ଜ ଏବେ ଆଉ ସେତେ ଅଧିକ ନାହିଁ) ଲୋକଙ୍କ ପାଖରେ ପହଞ୍ଚିବାକୁ ଚାହୁଁଛୁ ।
ଏହା ଏକ ଇ-ପତ୍ରିକା ହୋଇଥିବାରୁ ଆମେ ଲେଖା କେବଳ ଇ-ମେଲ ମାଧ୍ୟମରେ ଗ୍ରହଣ କରୁ । ତା’ସହିତ ଏବେ ଆମ ସମସ୍ତଙ୍କ ପାଖରେ ପ୍ରାୟତଃ ଓଡ଼ିଆରେ ଟାଇପ୍ ପାଇଁ ସହଜ ଜିନିଷ ମୋବାଇଲ ଆଦି ମିଳିଗଲାଣି । ତେଣୁ ଲେଖା ଇ-ମେଲ୍ [email protected] ମାଧ୍ୟମରେ ଟାଇପ୍ କରାଯାଇ ଡକୁମେଣ୍ଟ (.doc, .docx, .txt) ଆକାରରେ ପଠାଇବାକୁ ହେବ ।
ଆମ ପାଖକୁ ଲେଖା ନିର୍ଦ୍ଦିଷ୍ଟ ସମୟ ମଧ୍ୟରେ ଆସିଥିଲେ ବି ଆମେ ଅଧିକ ସଂଖ୍ୟକ ଲେଖା ପ୍ରକାଶ କରିବାରେ ଅସୁବିଧା ଭୋଗୁଥାଉ । ତେଣୁ ଜଣଙ୍କର କେବଳ ଗୋଟିଏ ଲେଖା ପ୍ରକାଶ ପାଇପାରିବ । ଯଦି ଆପଣଙ୍କର ଲେଖାଟି ଆମର ପତ୍ରିକାରେ ପ୍ରକାଶ ପାଇପାରିନାହିଁ, ତେବେ ଆମ ସହ ଇ-ମେଲ୍ କିମ୍ବା ହ୍ୱାଟସ୍ଆପ୍ ମାଧ୍ୟମରେ ଯୋଗାଯୋଗ କରିପାରିବେ ।
ୱେବ ପୋର୍ଟାଲ୍ରେ ଲେଖା ପ୍ରକାଶ କରିବା ପାଇଁ ଆପଣଙ୍କୁ ଆପଣଙ୍କର ନିଜ ଲେଖାକୁ ଓଡ଼ିଆରେ ଟାଇପ୍ କରି ଆମ ପାଖକୁ ଇ-ମେଲ୍ ମାଧ୍ୟମରେ ପଠାଇବାକୁ ହେବ । ଆଉ ସାଙ୍ଗରେ ଫଟୋ ଏବଂ ଆପଣଙ୍କର ପ୍ରୋଫାଇଲ୍ ପାଇଁ ଆବଶ୍ୟକୀୟ ତଥ୍ୟ ପଠାଇବାକୁ ହେବ ।
ଓଡ଼ିଆ ଲିପି ଭଲରେ ପଢ଼ିପାରୁନଥିବା ତଥା ଗପ ଶୁଣିବାରେ ଇଚ୍ଛା ରଖୁଥିବା ଆମର ପାଠକମାନଙ୍କ ପାଇଁ ଆରମ୍ଭ ହୋଇଥିଲା ଅଡ଼ିଓ ପତ୍ରିକା । ଆପଣମାନେ ନିଜେ ମୋବାଇଲ ଜରିଆରେ କୌଣସି ବି ଲେଖା ରେକର୍ଡ଼ିଂ କରି ଆମର ଇ-ମେଲ୍ କିମ୍ବା ହ୍ୱାଟସ୍ଆପ୍କୁ ପଠାଇପାରିବେ । ଆମ ତା’ସହ କିଛି ସଙ୍ଗୀତ ଯୋଡ଼ି ଅପ୍ଲୋଡ୍ କରିପାରିବୁ ।
