କେବେ ହାତ ମୁଠାରେ
କେବେ ବହୁ ଦୂରରେ
କେବେ ନିଜ କଚଟିରେ ତ
କେବେ ପଡ଼ିଶା ଘରେ…
କେବେ ପାପୁଲି ରେଖାରେ
କେବେ ବହି ଖାତାରେ
କେବେ କଲମ ସ୍ୟାହିରେ ତ
କେବେ ଦୀପ ଶିଖାରେ…
କେବେ ସାରସ ପତରେ
କେବେ ସୁଗନ୍ଧିତ ଅତରେ
କେବେ ଝାଳୁଆ ବାସରେ ତ
କେବେ ଆପଣାର ହସରେ…
କେବେ ଭିକ୍ଷୁକର ଭିକରେ
କେବେ ଅହଂକାର ଶିଖରେ
କେବେ ଷ୍ଟ୍ରିଟ୍ଲାଇଟ୍ ପାଖରେ ତ
କେବେ ଚିରନିଦ୍ରା ଆଖିରେ…
– ସୌମ୍ୟରଞ୍ଜନ ପାଲ୍
Comments
ସୌମ୍ୟ ରଞ୍ଜନ ପାଲ
ସୌମ୍ୟରଞ୍ଜନ ପାଲ୍ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗଳ୍ପ, କବିତା, ପ୍ରବନ୍ଧ, ବ୍ୟଙ୍ଗ କଥା ଆଦି ରଚନା କରନ୍ତି । ସେ ବିଭିନ୍ନ ମଞ୍ଚରେ କବିତା ପରିବେଷଣ କରି ପୁରସ୍କୃତ ହେବା ସହ ଅନେକ ସମୟରେ କିଛି ଲୋକଙ୍କର ନକଲ ମଧ୍ୟ କରିଥାନ୍ତି ।
