ସାଥେ ଥିଲେ ତୁମେ ଭଲଲାଗେ ମତେ
ତୁମ ନାଁ ଡାକିବାକୁ
ଏକା ଥିଲେ ମୁହିଁ ଭଲଲାଗେ ମତେ
ତୁମ ଛବି ଦେଖିବାକୁ ॥
ବିତି ଯାଏ ଦିନ ପାହି ଯାଏ ରାତି
ସରେ ନାହିଁ ମଧୁଗୀତି
ସାଥେ ଥିଲେ ତୁମେ ଭଲ ଲାଗେ ମତେ
କରିବାକୁ ଚୋରାପ୍ରୀତି ॥
ଫିକା ଲାଗେ ରଙ୍ଗ ତିକ୍ତ ଶୁଭେ ରାଗ
ସାଥି ତୁମ ବିରହରେ
ତୁମ ବିନା ପ୍ରିୟା ଚାନ୍ଦ ଲାଗେ ଅଧା
ପୂର୍ଣ୍ଣ ଫଗୁ ପୂର୍ଣ୍ଣିମାରେ ॥
ଧରି ଥାଏ ଡୋର ଓଠ ରଙ୍ଗ ତୋର
ଟାଣି ନିଏ ତୋ’ ପାଖକୁ
ଗୋରା ଗାଲେ ତୋର ପଡ଼ିଥିବା କେଶ
ଭଲ ଲାଗେ ଫୁଙ୍କିବାକୁ ॥
ଘୁରି ବୁଲୁଥାଏ ପାଦର ପାଉଁଜି
କରି ରୁଣୁଝୁଣୁ ଶବ୍ଦ
ଛମଛମ ତୋର କାନର ଝୁମକା
ହଜେଇ ଦିଏ ମୋ ନିଦ ॥
ତୋ ଆଖି ଭିତରେ ଛବି ମୋ ମୁହଁର
ଭଲ ଲାଗେ ଦେଖିବକୁ
ତୋ କୋଳ ଝୁଲିରେ ମଥା ରଖିମୋର
ଭଲ ଲାଗେ ଶୋଇବାକୁ ॥
– ବି. ଜେନା
Comments
ବି. ଜେନା (ଲିପ୍ଷି)
ବି. ଜେନା ଓଡ଼ିଆ ଭାଷାରେ ବିଭିନ୍ନ ପ୍ରକାରର କବିତା ରଚନା କରନ୍ତି । ସେ ସ୍ମୁଲ୍ ଆପ୍ରେ ଅନେକ ଓଡ଼ିଆ ଏବଂ ହିନ୍ଦୀ ଗୀତ ମଧ୍ୟ ଗାଇଛନ୍ତି ।
